Aug 07 – PRABHUGI KHUYADA POTTHABA!

“mahakki manao nupi Meri koubi ama leirammi. Mahak asina Jesugi makhong mayada phamduna mahakki wa munna  tarammi.” (Luke 10:39).

Prabhugi khuya asi pottthabagi lambi manga suba aduni. Martha gi manao nupi Mary aduna Jesugi khuyada phamduna mahakki wahei taduna mahakki thawaigi damakta iswargi oiba potthaba adu phanglammi. Mahakki maramda Prabhuna asumna hairammi, “ Maryna madugi aphaba lambi adu khankhre,madu mangondagi amukka louthokpiraroi.” (Luke 10:42).

Martha adunadi madugi potthabagi lambi adu khanglamde. Imunggi damakta thabak chinba aduna mahakki ingthaba manghankhi. Mahakna Prabhuda changduna asumna murum murum sonkhi. “ Ibungo, eigi inao nupina ithanta thougal tounaba thanamle haiba nahakna khangbidabra? Maram aduan eibu mateng pangbinaba mangonda haibiyu”.

Kanagumba mi kharadi makhoigi langtaknabagi maramna makhoigi blood pressure wangkhatpa su lei. Kanagumba mi kharana makhoigi thawaida potthaba leite,aduga maduna makhoibu langtaknahanduna murum murum sonhanbani.  Adubu Iswargi machasingnadi makhoigi burden adubu kadaida langsingani haibadu khangi,madu Iswargi khuyadani. Sastrana hairi,” nakhoigi potlum Prabhuda langsinjou,aduga Mahakna nahakpu ngaktuna thambigani, mahakna dharmachenba misingbukeigdoungeidasu lenghalloi.” (Psalm 55:22).

Pakhochatpa Peterna asumna hai, “ nakhoigi langtaknaba Mahakki maphamda langsinjou,mahakna nakhoigi damakta  khanbi.” (1 Peter 5:7). Nahakna Prabhugi khuya da phamba matamda,taibangna piba ngamdaba ingthaba aduna nahakki thamoi apumba adubu lumsingani. Aduga nahakki potlum mayam,adudagi nahakna ningkha tamgani, aduga nahakna haraona Jehovah Jireh haina laokhatpa ngamgani. Aduga Prabhuna nahakki maphamda leppi haibadu haraona laothokpa ngamgani aduga Prabhuna nahakki damakta lan soknabi. Aduga nahakki damakta khudingmaktu chongkhonna pangthokpigani (Psalm 138:8).

Nahakna nahakki punshida awaba langtaknaba thengnaba matamda  keidoungeidasu haijaba asi kaothokkanu.  Eikhoigi Prabhuna eikhoigi haijaba tabiba khakta nate mahakna eikhoigi chamlaba haijaba asisu lousinbibani. Nahakki thamoi wahalliba adu kari karamba awaba potlum oirabasu Iswarna hongdokpiba ngammi. Aduga nahakpu ingthaba nungaiba amadi potthaba adu pibiba ngammi. Heitup pambina umanggi upalsinggi marakta oibagum eigi nungshitthoibana naharonsinggi marakta oiri. Einamahakki marumda yamna haraona phamjakhi, mahakki mahei adumahao tangbada thummi.” (Song of Solomon 2:3).

Iswargi machasing eikhoina eikhoigi potlum langsinba yaba mapham adudi Calvary Cross asidani. Eikhoigi Prabhu Jesuna eikhoigi pap adu masigi Cross asida pubikhibani. Aduga mahakna serap khudingmak thugaibire. Yeknabagi makok adu thugaibire. Aduga mahakna nangonda pukning themjinbiri maramdi mahak athoiba themjinbiba mapu aduni.

Dhyan tougadaba: “mamana themjinbiba kanagumba amagum eina nahakpu themjinbigani, aduga nakhoibuJerusalemda themjinbigani.” (Isaiah 66:13)