Aug 07 – HOBOLE DIBI JINIKA APUNI ICHA KORE!

Matthew 15:28 ‘titya Jisu jawab dishe aru koishe taike, “o maiki, dangor ase apuni laga biswas! Hobole ibi jinika apuni icha kore.” Aru tai lagachukri changai hoishe utu homoi te hi.’

Hosa thaka khan laga icha khan pura hobo .ami khan itu bi pure proverbs laga kitab te,ki bhabna khan hosa thaka khan lagasahi ase. Jitya icha khan aru bhabna khan hosa thaka khana laga khushi kore Isor laga nazar te, Tai hosa bi pura koribo.

Aji laga itu podh te, ami khan pore Canaanite maiki laga. Tai laga chukri ke biya pora satan pora dhuri kene thake aru tai polai ami khan laga Isor Jisu Krista laga usorte. Jisu pora taike poila te jawab nadile bi, ses te Tai dikhishe tai laga biswas ke, taike bhal koishe, tai uoprte morom lagishe aru koishe: “hobole dibi jinika apuni icha kore”. Aru tai laga chukri changai pai utu homoi te hi.

Bonibole dibi apuni laga mon laga icha aru bhabna khan janibole Isor ke aru nijor te dhuri kene narakhibi. Jinika ekta baba morom thake tai laga bacha khan karone, Isor bi inika hi morom ase jun khan Taike bhoi kore. Kunuba thake lobh laga bhabna taikhan laga mon te, biya khan tai khan laga atma te aru icha kore prithibi laga aru olop din khan laga khushi ke. Isor pora inika manu khan ke kaan nadiye. hoilebi ji thakile bi apuni hosa aru thik mon pora icha kore uthai dibole aru mahima koribole Isor laga naam ke,Tai pora hosa bi utu icha khan ke pura koribo.

Bro. Sam Jebadurai, tai laga age din khan te mantralay laga, cholai thake chapi bole ‘Antantulla Appan’ magazine ke ekta printing business pora. Ekbaar jitya tai utu office te ghushishe,tai laga mon te ekta icha thakishe. tai nijor ke bhabna korishe,kiman bi bhal hobo, judi itu printing office tu Isor pora amike diye, toh ami chapibole paribo kiman  bi atma laga kitab khan,Tai laga naam uncha koribole.judibi tai logote poisa khan thakanai,tai khali utu icha ke Isor laga agete rakhishe.

Olop mohina jaishe aru utu malik ekdin  ahishe sabole ami laga baba ke,aru koishe ki tai utu printing house ke bikabole mon aru shuru koribole mon notun business ke aru judi tai icha kore ituke kinibole. Kile koile ami laga baba logote poisa thakanai, tai khan dangor mon hoi kene manishe ki installments te dibole paribo. Kiman bi  bhal Isor ase amikhan aru kiman bi hosa ase Tai laga kosom khan, ki ji bi apuni icha kore , Tai pora apuni ke kori dibo.(1 Samuel 20:4).

Isor junhi dishe gyan Solomon ke tai laga icha te, jun hi dishe ashirbaad prophet Samuel ke Hannah laga bacha te, jun hi diahe duiguna ashirbaad Elisha ke tai laga icha te, apuni ke bi ashirbaad koribo aru dibo sob icha khan apuni laga mon laga.

Aji bhabna koribole laga pobitro kotha tu hoile  Psalm 37:4 “khushi hobi nijor ke ISOR te,aru Tai pora dibo apuni ke icha khan apuni laga atma laga”.