Aug 07 – APANBA!

Maduda mi ayāmbana mahākpu tuminna leinaba yāthang pikhi; adubu mahākna henna henna lāorammi, “Debidki machānipā, eibu chānbiyu.”  Mārk 10:48

Bartimaeus na mamit unaba waringeida misingnadi madu khangbide, matengsu pangbiningde. Makhoina mahakpu tumin leinabasu haibirammi.

Ngasisu mi mayamna nangbu Iswar koubada amadi haijabada athingba piba yai. Kanagumba mi kharadi mahakki imungmakna ayetpa piribani

Israel machasing na Egypt thadoklaga Cannan tanna chatpada,Pharaohna ahanbada athingba pibirammi. Israel machasing na madugi athingba adu Yaomacha gi eegi mapanna thugairammi.

Anisubada Red Sea na makhoibu chaona apanba pibirammi. Madugi apanba adu thugairammi aduga Red Sea adu tnagkhai tarammi. Madu Moses na mahakki cheisu thanggatpada oikhibani.

Ahumsubada, Jordan turen adu achouba apanba ama oirakkhi.  Aduga asumna thokkani, mālem pumnamakki mapu, Jehobāgi upu adu puba purohitsinggi makhong khuyāna Jordān turen’gi isingda hek sokpaga mathaktagi chentharakliba isingdagi Jordān’gi ising adu thinggani, aduga ising adu mapei oina thinggattuna leigani. Josuwā 3:13

Aduga Jericho gi chekpanna makhoigi mangda chaona leplammi. Adubu Israel machasing na Iswar thagatlaga koisinba matamda madu kintharammi.  Nahakki thawaigi punshida chaokhatpada athingba piriba adu kari oibage. Kanagumba kharagi gi damakta makhoigi akoibada leiminnariba sing oiri,kanagagumba kharadi makhoigi sendonbagi awaba,kanagumba kharadi phattaba misinggi thourangna oiba yai.

Prabhu Iswar na apanba makhei adu thugaibire. (Micah 2:13) leitem mannadasing Mahakna leitem mannahalli.  ( Isaiah 40:4).  Mahakna nahakki mangda Chatkani aduga akhoiba lambising chumhangani. (Isaiah 45:2).mahakna chingsing bu lambi oihangani, Aduga eina eigi ching pumnamak lambi oihan’gani, Eigi achouba lambising ānghan’gani. Jisāiyā 49:11

Maichou Micah na Prahugi ming asi “apanbasing thugaibiba mapuni” haina mingthol pibirammi.Maduga chap manana Jobnasu asumna hairanmi,  Eina khang’i, nahākna pumnamak touba ngammi, Nahākki thourāng amata touhandaba ngamba leite. Job 42:2

Bartimaeus adu mittangbani. Aduga mahakna uningduna Prabhu da kouba matamda misingna tuminna leinaba haibirammi. Maduga chap mannana mi khrana Prabhu gi nakta machasing purakpa matamda khamduna cheibirammi. Adubu Jesuna hai, Adubu Jisuna hāikhi, “Apikpa a’ngāngsing eigi nākta lāksanu, makhoina eingonda lākpa khāmganu, maramdi sargagi ningthou leibāk asi asigumbasinggini.” Mātthi 19:14

Misingna nahakpu thingba matamda nahak pukning hanthaganu. Awaba changyengesinggi maramda nahak pukning hanghaganu. Nahak chingsing netthattuna maipakpa oinaba koubirabani. Taibang mina apanba piba yai. Nahakki apanba makhei thugainaba Iswar di matik leibani.   Iswar gi machasing,nakhoigi nungda leiriba mahak adu taibangpanba leiriba mangondagi henna chaobani.

Dhyan tougadaba: Tasengnamak Khrista Jisuda Isor ningna pānjaningba pumnamakna ot-neiba khāngba tāi. 2 Timothi 3:12