Aug 06 – U’a a tam Itsuman ambrij!

“E Gamangtung, e Gamangtung, gamle a opunglen a dile mandran ruang rajam lingan gante, ette ted. Bindo ruang lingan a dakutenan a U’a-Hen a tam itsum ambrij a lumten a mandran na gante” (Mattiu 7:21).

Kan ate rojolddam bomandran agamte ate “E Gamangtung, Gamangtung”, bindo kan ate boi boi kalkaldam barij Ruangan a U’an amangban a surpidnaben abmele jugardamdam. Bo sanna beran oblingben dete Kitungan a d’ong timhimtai gamle. Bindo Kitungan jataben anosaiberanji amaniten amandran ambrij. Barijloge a surpiddamnaben dete kayatingdage ted.

Bo denna Kitungan a boantan bo tonanan a d’ong gadlamle tabubdan abmele bibol-lingan saring. Bindo kun tonanan amdangben apsele aitsuman adakuad do gamle yireten, anin engajanang ruangban yirte, engale anin Kitungan a d’ong timhimte. Anin adnogandiad janardin Kitungan a bernan do Kitungan a itsuman abmele adgalamad do a maneben abmele.

Kitungan a gudingben abmele itjaja labamted, Kitungan a irsuman adnabojorailenden. Butente Kitungan a d’ong timhimte, a pintunji a karidaben dete, do Kitungan anosaijan abojoraiben dete. Anin Kitungan amangban surpiddamlen ahanaben dete.

Jona a d’ong gijgijba! Anin radudam a boantan dakule, Kitungan abmele hanangan tiyle. Bindo angante Kitungan appaile Ninevin, anin bo bigarda tarsish ayirben oskailen, Kitungan atimangban saring. Bindo ogandiban Kitungan itsumlepo Jona abmele.

Iten asan gamlenden kun jona abmele, Kitungan aitsuman amaneben abmele hangle, kun bo surda ganungan batte, bo surda ayon batte amoben Jonan a d’ong.

Sanenken Daudo dile ayam barij dakule Kitungan a itsuman abojoraiben abmele. Anin gamle: “Itsum-Nam abojoraiben asan d’ong-hen hanangan ti-ih, iten asan gamlenden Aman na Kitung-hen Bangsa Jangardan-Nam d’ong-hen rojolgod lingan abanjengihte” (Sanenken 143:10).

Angante ambendaman Kitungan aitsum-lingan asurpiddamten, Amebn aboi Kitungan a birindan gamle danisaman adete, do barij tanurdun ahangte. Kitungan Jisun gamle: “Iten asan gamlenden butente ruang lingan a dakutenan U’a-Hen a tam itsuman ambrij lumte, anin buhang-Hen, tonan-Hen, do yang-Hen daku” (Mattiu 12:50). Tanahimdam Kitungan a onagji, Ruangan a U’a amangban barijloge surpiddamnaba a itsum-lingan.

Okiy Kinolbe absele: “a itsuman a manneben asan, dile janab a banangsan /batte abhadabbente. Itente Anjn a ganijgij lingan man’oihdage, antate Jisu Kristun batte mang ling ben lumete. Tarda ayam ganugu panemengan Anin a d’ong de-ete. Amen” (Ebri 13:21).