Aug 06 – AHRAM KORIBI PURANA RAAASTA TE!

Jeremiah 6:16 “Khara koribi Raasta te aru sabi, aru mangibi Purana raasta karone, jote bhal raasta ase, aru berabi itu te; tini hoile apuni pabo ahram apuni laga atma nimite.”

Purana raasta ase chautha raasta pabole ahraam ke. Amikhan itu ke janibo pare Pobitro  Kotha pora, ki kinika Isor laga bacha khan pai ahraam shuru pora din khan te Adam aru Eve laga,a ru kinika tai khan khan itu ke paishe. Tai khan paishe  ahram tai khan laga atma nimite jitya tai khan bali dishe tai khan laga paap daan karone.

Jitya Israel manu khan mananai kotah ke Isor laga, Isor proa dishe tai khan ke gentile raja khan laga bandhi hobole.a ru tai khan ke ninda korishe utu raja khan pora; aru harai loishe tai khan laga ahram aru shanty ke. Holebi jitya tai khannkandishe Isor ke tai khan laga dukh te, Isor morom lagishe tai khan ke; tai yaad korishe utu pratigya ke juntu Tai thakishe Abraham, Isaac aru Jacob logote aru dishe tai khan ke anugrah ghurabole tai khan laga pratigya kora mati te aru pabole ahram ke.

‘purana raasta’ laga motlob itu bi ase ki manibole Sabbath  din ke. Jitya bi Israel manu khan mananai adesh ke Sabbath  laga, tai khan haraishe tai khan laga ahra m ke. Itu nishina hi, tai khan haraishe tai khan laga ahram ke jitya tai khan gruto diyanai adeh khan ke Sabbath  laga ekta din ahram kora laga mati te ahram laga saathwa saal te, charibole tai khan laga mati ke iku naugai kene aru nakati kene. Aru Isor pora di dishe tai khan ke gentiles khan logoote. Hoilebi jitya Israel khan faisla korishe  maibole Sabbath  din ke, Isor pora bonaishe tai khan ke ghurabole pratigya diya laga mati te aru unnati koribole arubi.

Deuteronomy laga adhyay 28 te, ami khan porhe ki kinika Isarel khan haraishe tai khan laga ahram aru shanty k eke, aru paar korishe shrap aru dukh ke, kilekoile tai khan harishe hunibole awaz ke Isor laga. Pobitro kotha te koi, “ aru majete utu desh khan laga apuni napabo iku ahram, na apuni laga gehrua pabo iku rukha jaga; holebi tate Isor pora dibo apuni ke kapi thaka mon, giri thaka suku, aru khkong apuni laga atma laga” (Deuteronomy 28:65)

Hobole dibi sob podh khan Pobitro Kotha laga apuni karone raasta aru awaz hoshiyaar laga, apuni laga sob rasta te. Jitya apuni dhyan di kene hune awaz ke Isor laga, apuni hosa bi pabo ahram ke apuni laga atma karone. Sob pidhi te, Isor  pora dishe  dangor khan ke jun khan loi jabo manu khan ke ahram dai te. Moses azaadi dishe Israel manu khan ke bandhi pora Egypt manu khan laga; aru loi jaishe tai khan ke Lal Samundar dwara. Aru Joshua pora taikhan paar korishe jibon itu sukha jaga pora pratigya diya laga jag ate Canaan  laga: mati ahram aru shanty laga.

Aru isor pora dishe shanty sob tai khan te, iku lorai nathakikene. Kunbi tai khan laga dushman khan khara koribo paranai kharakoribole tai khan laga khilaf te. Isro laga bacha khan, manibi aru berabi purana rasta khan te.

Aji dhyan koribole laga pobitro kotha tu hoile Hebrews 4:1 “itu karone, kilekoile ekta pratigya thake humai kene tai laga ahram te, hobole dibi ami khan ke bhoi jun khan itu te komi ase”.