Aug 05 – JINIKA APUNI BHABNA KORE!

Proverbs 23:7 “kilekoile jinika tai bhabna kore tai laga mon te, toh inika hi ase.”

Ekta manu lagajibon tut hake tai laga bhabna aru icha khan hisab te. Tate bishi podh ase pobitro kotha te itu ke hosa kobole. “kilekoile jinikatai bhabna kore tai laga mon te, toh inika hi ase.” (Proverbs 23:7). “bhabna khan biya khan laga ase ginti te Isor laga agete.” (Proverbs 15:26).

Hazar manu thakile bi itu prithibi te, ekjon pora akjon bishi alag ase. Ekta porivaar te bi, jibon laga stithi ekta bhai laga bishi alag ase alag bhai pora. Tai khan laga  bhabna aru icha khan bishi alag ase, itu karone tai khan ekjon dusra jon pora alag hoi.

Aji bishi ase  jun khan tai khan laga jibon ke loi jai, tai khan laga bhabna upor ke dhyaan nadi kene. Manu hodai hi tai khan laga bhabna khan ke dhyan nadi kene hi thake. Tai uthai dangor mahal balu te tai laga dimag te hi. Jitya bhabna khan ekta manu laga biya thake, tai laga jibon bi taike biya rasta te hi loi jai.

Ekbaar ekta manu icha kore pabole uncha podh tai laga daftar te. Kilekoile tai logote lagi thaka laga  yogyatat utu podh karone tai thakanai, tai asaan tarika ke biarishe utu podh ke pabole aru icha ke pura koribole. Tai shuru korishe bhabna koribole: “ki jani ami kunuba uporte khara koribole lagibo, utu pabole juntu ami lagi ase. Kile ami utu podh ke napabo? Itu bhal hobo judi ami utu podh  ke pai, dusra ke lobule nadi kene.”

Tai bishi tantric khan ke bisaribole shuru hoishe taike utu icha pabole, aru kuchis korishe jadu koribole tai laga kampani  laga dangor khan uporte. Aru tai itu te safal hoanai aru tai itu ke bardasht koribole paranai aru inika hi tai laga dimag ke biya kori dishe. Aru itu laga parinaam, tai ses korishe tai laga nijor laga naukri ke harai loi kene juntu tai utu kampani ke kori thakishe.

Pobitro kotha te koi: “ki tai khan alag te jai jun khan biya ke rachai? Hoilebi daya aru hosa tai khan karone ase jun khan bhal ke rachai.” (Proverbs 14:22). Galat bhabna, icha nahoile bhabna khan kitya bi ekta Christian laga mon te na ahibo lage. Inika galat bhabna khan hobo safal koribo churabole  apuni laga atma laga tagot ke.

Itu karone apuni laga zimedari k eke dur rakhibole laga ase inika biya bhabna khan ke apuni laga monk e bhorta koribole aru itu ke apuni laga uporte raj koribole. Inika ke dur rakhibole nimite aru bhal bhabna khan ke apuni uthai dibole, apuni khan guti dhalibole lage Isor laga kotha laga apuni laga mon te. Dhuri kene thakibi Isor laga kosom khan ke, bhabna koribi calvary laga morom ke ami khan laga Isor laga aru dhonyabaad dibi aru mahima koribi Taike. Hobole dibi apuni laga bhabna khan ke sapha!

Aji bhabna koribole laga pobitro koth tu hoile Proverbs 21:5 ‘bhabna khan bhal laga hosa bi bishi hoi, hoilebi jun khan joldi te thake, hosate pai dukhiya ke.’