Aug 05 – Engale amben a Ogandite!

“Iten asan gamlenden anin engale anin a j’edam lingan ogandite, ettele anin daku” (Bangsa Hanang 23:7).

Mandrandam a mandrena-lingan anogandin do anogalan dakute. Kan ambrij a bernaji ateng bibol-lingan daku. “engale anin a j’edam lingan ogandite, ettele anin daku” (Bangsa Hanang 23:7). “roitadmaranji anogandi janardinna” (Bangsa Hanang 12:5). “duai-maranji anogandin Kitungan adjae” (Bangsa Hanang 15:26).

Kan order-lingan ateng mandranji daku, dile mandran tambigardana. Aboi birinda-lingan janang, dile mandrengnan lingan janang abmaine. Anogandi-lingan do anogal-lingan, kan ambrij dakuji ateng mandranji.

Nami ateng dakuji amandrengnanji, iteja erogandilebe anogandinji. Mandran, anogandin ambrij endungte. Kun baranji lumte. Angante mandran anogandi danuaihan dakute, anabsidban arungte a mandrengna.

Bo dinna, bo mandran abararalingan bo surda maran adeben itsumle. Kun abaran abmele amangan adakuad hadabadeben asan, asanengsengan ambrij ahangben asan rojolgodan saile. Ogandile ‘Hen bigardanji a d’ong amdungtai, etiden dane hangtai gamle. Kun a dane hen adhagaipo? Kun a dane hanglaihden bangsadam, kun ambrij alumben dete’.

Anin susule atenganji a d’ong kan ambrij gamle asanengsengan, do susule bo surda maran a d’ong amdungben. Anin itjaja adlumad gamle, kun ate saile adraptiad do kzkadale. Do apardun, itente abaran amangan dakule kunidamate absidle.

Bibolan gamte: “Erszn anogal maranji adnardodeji po? Bindo bangsan anogal asuyeman do janardin maranji hangteji” (Bangsa Hanang 14:22). Kayating anogandiji, orde  anogalanji dakulen adraptie Kristu mandrena-lingan. Kan ambrij anogandiji agaja raduloge dakulen adraptie.

Kan ambrij kayatingdage anogandinji amdungle barij j’en batte aogandite ate bangsa. Erbangsa anogalanji amdungle bangsa anogalanji apangben dete, amben Kitungan ajabmolan absuiben dete j’e-ling-ben. Kitungan ajanibjiban hamba, kalobori-lingan a tanimyiman ahimle senba do abguguba, etden anogalbenji mardir dete!

Okiy Kinolbe absele: “Bangsa bara maran anogal-j’en saring labaman satta amdungte bindo dile abubmung bara mar banaggeban satta yerte” (Bangsa Hanang 21:5).