Aug 05 – AHRAM NONROTA TE!

Matthew 11:29 “lobi Ami laga bhar apuni te aru shihibi Ami pora, kilekoile Ami ase mridut aru nomro mon te, aru apuni pabo ahram apuni laga atma karone”.

Aghe laga dui din khan te, ami khan dhyan kori ase raasta te ahram laga. Tisra rast ahram te ase nomrota pora . tate bishi ase jun khan najane itu ke aru khara kore tai khan laga ghamandh te, jun khan nirbhar kore tai khan nijor laga dhon aru naam te; khushi pai kini kene doctors khanke aru advocates aru police officers khan ke; tai khan harai tai khan laga shanty ke; aru hekh hoi ahram nathaka hoi kene jibon te.

Sabi Isor Jisu ke jun ase avtar mridut aru nomrota laga. Judibi Tai thakishe ekta gauravmai raja, Tai nomro korishe Nijor ke aru ahishe niche prithibi te. Tai chunishe  gaushalla ke Tai laga jonom nimite, mamuli ghor kathmistri laga Tai laga jibon nimite, ekta mamuli manu nishina jinika Tai laga chela khan thakishe Tai laga mantralay shuru kora homoi te. “shiyal khan thake chena aru chiriya hawa laga thaka ghosla, hoilebi Putro Manu laga nai jaga kote bi rakhibole Tai laga matha” (Matthew 8:20).

Isor Jisu dikkhibole paishe bishi ninda aru biya atyachar Kruste. Hoilebi Tai laga nomro te. Tai niijor ke saman hobole diyanai Isor logote,a ru nomro korishe Nijor ke namora tok.

Ekbaar ekta chiriya bonai thakishe tai laga ghosla uporte ekta pathor laga hagor laga majete. Bishi hawa mara homoi te, hagor khan gurrai aru mare utu pathor ke sob disha pora. Hoilebi chiriya aru tai laga chutu bacha khan thake shanty te,a ru gana kore anondo te.

Itu nishina hi, judibi jitya pura prithiibi kuchis kore apuni ke girabole; judi bi tate hagor khan gurrai, utu iki Isor jun gali korishe hagor khan ke aru hawa ke rukhibole, dibo apuni ke shanty, anondo aru ahram.

Saith Augustine jun jiyai thakishe tisra sadi te, jiyaishe biya jibon Krista Jisu ke naloa aget tai laga rakshaka ru isor koi kene. Tai haraishe tai laga shanty aru ahram ke tai laga lath karone modu aru inika biya samna khan akrone. Aru tai likkhishe ki tai laga mon thakanai ahram te aru khong kore, hoilebi paishe ahram ke Krista te hi aru pura nirbhar korishe Isor te hi.

Jitya bi apuni bhoi lage aru samasya te thake, polabi Isor te. Mati thakibi tai lag naam ke, prashansha koribi tai laga aru seva koribi Tai ke aru lagi thakibi tai te.a ru mitha aru swargo maujudgi Isor lagabhorta koribo apuni  ke pura aru looi jabo sob a puni laga bhoi ke apuni  pora dur. Kitya bi kuchis nakoribi bisaribole shanty ke dusra rasta pora. Jabi Isor Jisu  te aru pabi ahram Tai te hi.

Aji dhyan koribole laga pobitro kotha tu hoile 2 chronicles 15:2 “Isor apuni logote ase jitya apuni Tai logote ase. Judi apuni bisare Tai ke, tai ke a pui bisari pabo;hoilebi jtya apuni charibo tai ke, Tai apuni ke charidibo”.