Aug 04 – ISOR LAGA ROOP TE!

Genesis 1:26 “titya Isor pora koishe, “ahibi Ami khan bonabo manu Ami khan laga roop te, Ami khan nishina; hobole dibi tai khan ke raj upor te mass khan samundar laga, hawa laga chiriya khan uporte, aru janwar khan laga uporte, pura prithibi uporte aru pura mati te berai thaka laga puka khan uporte.”

Isor icha korishe bonabole manu ke Tai laga nijor roop te, aru bonaishe manu ke Tai laga nijor roop nishina hi. Isor tu Atma ase. Itu khali Tai pora rakhi dishe tai laga atma ke mota aru maiki te, ki ami khan milabole pare aru anondo lobule pare Taike atma te.

Ekbaar bhabna koribi! Apuni laga gyan nathaki kene I, apuni laga mon pora icha kore rishta thakibole Isor logote. Apuni kitya bi inika icha nathakibo rishta thakibole ekta janwaar nahoile chiriya logote thakibole. Itu kilekoile manu ke nirmaan korishe ekdom alag tarika pora, jitya tulna kore alag jibon thaka janwaar logote.

Beng khan thake sathi beng khan logote hi. Chuha khan  mile chuha khan logote. Hoilebia puni junk e bonaishe Isor laga roop te, jun hi ase Isor laga atma te, tai khan ke matishe milibole Isor logote.

Sabi kinika David icha kore utu rishta nimite, jitya tai koi: “jinika ekta horin bisare pani laga rasta, inika hi bisare ami laga mon Apuni ke, O Isor. Ami laga mon pyas lage Isor karone, jinda Isor nimite. Kitya ami ahibo aru ulabo Isor laga agete?” (Psalm 42:1-2).

Apuni kitya bi Isor logote rishta thakibole naparibo, apuni laga manu laga tarika aru gyan hisab te, hoilebi apuni khan rishta thakibo paribo Tai logote atma te. Jitya apuni prathana kore,  Isor laga Atma mile apuni laga atma logote, aru apuni khan thakibole pare atma laga rishta apuni ke nirmaan kora logote. Ami khan laga Isor Jisu Krista koi: “Isor Atma ase, aru un khan seva kore Taike, seva koribo lage atma te aru hosa te.”(John 4:24).

Inika atma laga rishta ke bondh kori dishe jitya paap ghushishe aru dagi korishe manu laga atma ke. Hoilebi Isor pora icha korishe inika rishta ke dobara dibole. Itu karone Tai daan dishe Nijor ke ekta jinda daan hisab tea mi khan laga paap nimite aru ulai dishe Pobitro Atma kea mi khan sob uporte. Itu khali Tai laga Pobitro Atma ami khan logote thaka nimite, ki apuni anondo pora Isor logote berabole pare.

Isor laga bacha khan, kobi biswas pora aru dhonyabad dibi Isor ke itu koi kene: “ami khan laga Isor Atma ase. Tai pora rakhi dishe Tai laga Atma ami khan te, ami khan ke anondo te thakibole Tai logote. Itu karone, ami khan narukhi kene thakibo rishta Isor logote.” Aru hodai din hi kuchis koribo rakhibole rishta Isor logote.

Aji bhabna koribole laga pobitro kotha tu hoile Psalm 149:4 “kilekoile ISOR pora loi khushi Tai laga manu khan te; Tai pora sundor kori dibo aru nomro koribo mukti logote.”