Aug 02 – TIMAEUS KI MACHANIPA!

Adudagi makhoina Jerikoda lāklammi; mahākna Jerikodagi mahākki seboksing amasung achouba miyām amaga loinana thoklakpada Timāyaski machānipā mamit tāngba Bārtimāina chākniduna lambi mapānda phamlammi. Mārk 10:46

“Bartimaeus” haibasigi wahanthokti Timaeus ki machanipa haibani. Bar asi machanipa haibani. Aduna Bartimaeus haibasi Timaeus ki machanipa ni. Itihasna haibadi Timaeus adusu chakniba oiramgani. Karigumba mahak inakkhunba mi oiramlabadi mahakki machanipa adu chakniba oibada ayaba piramloidabani.

Sastra gi manungda Barsabas kouba nipa ama leirammi. Barsabas ki wahanthokti Sabas ki machanipani. Aduga mahakki asengba mingdi Justus koubani.  (Acts 1:23). Aduga Bartholomew kouba amasu leirammi,madu Tholomew gi machanipa haibani. ’ (Mathew 10:3).  Madugumna Barnabas su lei, madu Thougatpibagi machanipa haibani.  (Acts 4:36). ‘Bar-Jesus’ hikap yaikappa mi(Acts 13:6), ‘Barabbas’ (Mathew 27:16), ‘Berechiah’  (Mathew 23:35), and ‘Barzillai’ (2 Samuel 17:27).

Masigi ming sing asi mapadagi louba mingsing oirammi. Sastragi matung inna masisinggi aruba wahanthok lei. Eikhoi loina Adamgi machasing ni. Adamgi papna maram oiraga taibangda pap changlaktuna mi khudinggi mit asi tanghalle. Iswar bu khangba ngamdaba phaoba ngamdaba mittangbasing gumna eikhoi thawaida sonthana tonthana leire.

Adamgi papna eikhoi amadi Iswar gi marakta mari thadatle. Pakhonchatpa Paulna asumna irammi, “Isorgi sak’ong oiriba Khristagi matik ma’ngān’gi aphaba wāpāogi ma’ngān adu makhoina uba ngamdanaba jug asigi lāina thājadabasinggi pukningbu mamit tānghalle. 2 Korinthiyā 4:4

Masigi phal asi karino? Makhoigi pukning adu mamsillaktuna, makhoigi thammoi kanba amasung makhoina khangdaba maramna Isorna piba hingba adudagi tongānhalle. Ephisā 4:18

Anisuba Adam oiba Christa na satanna tang hallaba mitsing asi hangdokpa pammi. Iswar gi mangal adu hanjinba pammi. Aduna eikhoi amambada khudi thiba mathou tadre. Prabhu na mittangbasinggi mit hangdoktuna Masabu phongdokkhre. Bible na hai, Eikhoina eikhoigi pāpsing hāidokcharabadi, mahākna eikhoigi pāpsing kokpinaba amasung dharmachendaba pumnamaktagi eikhoibu sengdokpinaba mahākti thājaba yābani amasung achumbani.1 Johān 1:9

Mamit hangdokpikhraba Peter na chaoraba haraobaga loinana asumna irammi, Adubu nakhoibu amambadagi a’ngakpa ma’ngānda koubiba mahākki gunsing nakhoina hāidoknaba nakhoidi khan’gatpa sāgei, ningthougi oiba purohit, asengba jāti amasung mahāk masāmakki misingni. 1 Pitar 2:9

Iswar gi machasing, nahakna angakpa matik leiraba manganda changlakpa khak natana nahakna atoppa ichil inaosingsu pusillakkadabani.

Dhyan tougadaba: Aduga numit aduda nāpangbasingna lāirik adugi wāsing tāgani, Aduga mittāngbasinggi mit sukna mambadagi amasung amambadagi ugani. Jisāiyā 29:18