Aug 02 – MAMING THONBIGADABA!

“Prabhu Iswarna leibaktagi sa   san jiba uchek singbu sembikhi. Aduga Mahakna Adamda purakkhi, aduga Adamna madusing adu maming kari pibibage  haibadu yenglammi. Aduga Adamna madu numitta thonbikhiba mamingsing adu adum leihoure.” (Genesis 2:19).

Iswarna sasansing, uchek mana masing sembikhiba matamda mahakna makhoibu yamkhatnaba semkhibani. Makhoibu masing yamkhatnaba yathang pibikhi. Makhoina mahei yanduna leiba, mioibana su macha pokpa, sa sanding khudingnasu macha pokpa asini.

Khudam oina marok asi yengbiyu,chahi lising kayagi matungdasu mahak  asi saduna leiri. Madu ga chap manana Iswargi mitam louduna semkhraba nahaksu Prabhuga chap mannaba pangal leiroidra?

Iswargi mitam louduna semkhraba nahakna Iswargi mitamda adum leinaba nahakna hotnagadabani. Nahakna ningthousinggi Ningthou gi matougumna nahakna chatkadabani,aduga nahakki maithong adusu Prabhugi ga mannahangadabani. Nahakna chap mannaba panggal utthokkadabani. Yao machana yao mapigumna khongi,samugi machana samu mapi gumna chatli,aduga nongsagi machana mapigumna chongi. Aduga Prabhu Iswargi mitam louduna semkhraba nahakna Iswargumna chatkadabani.

Iswarna semba matamda Mahakna khutsem khara khaktada maming thonbikhi. Iswarna mangal adu numit koubirammi,amambadu ahing koubirammi. Adubu mahakki khutsem ateidingdugi maming thonnaba Adamda sinnarammi.

Mioibana ngakna chatnaba Iswarna yathang tara pibirammi. Eikhoi asi ningthou singgi Ningthou oiriba Iswargi macha oibaninana mahakna eikhoibu panggal pibiri. Madugi mapanggal adugi matung inna Adamna khutsem singbu maming thonbirammi. Houjikphao su ADamna maming thonbiramba sing sa san jiba uchek sing amadi  mana masing  singbu kouraga leire.

Iswargi machasing, nakhoi Iswargi machanipa machanupisingni haibasu kouganu. Iswarna nangngonda pibikhraba panggal matik sing du sijinnabaiyu.

Dhyan tougadaba, “Nahakna Panggal pairakpada nahakki misingna mathanta katthoklakkani,asengbagi ningthijaba aduda,ayukki angang khaodagi, nahakki   naha oibagi likla phangi.” (Psalm 110:3).