Aug 01 – BARTIMAEUS !

“…Andha Bartimaeus, lora Timaeus laga,  bohishe kinar te rasta laga bhik mangi kene” (Mark 10:46).

Ekbaar jitya jisu aru Teon laga chela khan khan ghuri thakishe mantralay kaam kori kene  Jericho te, ekta andha manu naam Bartimaeus koi kene bohi thakishe rasta kinar te bhik mangi kene.

Jitya Tai bohi thakishe tate, tai hunibole parishe awaz ke ekta dangor rally laga. Tai bujishe ki Jisu Nazareth laga jai thakishe Teon laga chela khan logote, Bishi manu piche kori kene tai khan ke. Aru tai itu avsar ke jabo dibole mon thakanai

Toh tai kandishe jor pora, “jisu, lora David laga, hobi Daya ami logote”. Tai kandishe ahi kene bachabole tai laga andhapan pora; ulai ahibole andhera pora puhor te. Hoile I kunuba manu khan khong hoishe tai laga awaz pora aru dhamki dishe tai ke awaz nakoribole.

Hoilebi tai kandishe aru jor pora aru koishe, “lora David laga hobi Daya ami uporte”. Jisu rukhishe aru koishe tai khan ke anibole tai ke. Kunuba khan polaishe tai usor te aru matishe  Bartimaeus ke, aru koishe, ‘mon dibi aru uthibi. Jisu mati ase apuni ke’. Achanak Tai phelaishe tai laga kapra ke, uthishe aru ahishe jisu usorte. Jisu koishe tai ke, “ki icha kore apuni ami ke koribole apuni karone?’ aru andha manu pora koishe, ‘Isor, ami icha kore sabole’. Jisu koishe tai ke: jabi apuninlaga rasta, apuni laga biswas bonaishe apuninke changa. Achanak tai paishe tai laga drishti aru piche koriahe jisu ke. (Matthew 10:46-52).

Isor Jisu Krista ase achurit aru manu khan ahe Teon Isor te sob phine pora, kilekoile Teon korishe chamatkar jote taeon jaishe. “Jisu Krista ase iki atit te, aji aru hodai din karone”  (Heb. 13:8). “kintu Ami ase Isor, ami nohoi bodli,”koi Isor (Malachi 3:6).  Aji bi, Teon  koribo ekta mahaan chamatkar apuni karone.

Sob chamatkar khan laga piche juntu jisu korishe, ami khan dikhe Teon laga morom, Daya. Teon namane Judi ami khan kimti ase pabole itu chamatkar khan. Itu Khali kilekoile dhon khan pora Teon morom laga hi ki Teon kore chamatkar khan ke ami laga jibon te.

Itu ekla nahoi, Isor akha kore ami khan ke sabole Teon ke, biswas kori ole Teon ke aru matibole Teon ke. Jitya apuni laga biswas aru Isor laga Daya ahe iki logote, chamatkar hobole hi aae

Judibi jisu korishe Bishi chamatkar khan ke Teon laga tagot logote Teon laga prithibi laga mantralay din khan te, ami khan dikhishe Teon ke koi thaka Bishi jaga te, “apuni laga biswas bachaishe apuni ke’

Bacha khan Isor laga, biswas Ane chamatkar khan ke. Rakhibi apuni laga biswas aru nirbhar koribi Khali Teon ke.

Aji dhyan koribole laga Pobitro kotha tu hoile Psalm 146:8,9 “isor khule suku khan ke andha laga; Isor uthai Jun khan jhuke niche; Isor morom kore dharmik ke; Isor sai osinaki khan ke; Teon dhure baba nathaka khan ke aru vidvaah khan ke”.