Apr 30 – Tai pora dibo ami khan ke jit!

Exodus 3:14 aru sior moses ke koishe, “ami ase jun ami ase.” Arutai koishe, “toh inika kobo apuni bacha khan Israel laga, ‘ami pora pothaishe apuni ke.’”

Israel manu khan jun khan Egypt laga kabza te thakishe 430 saal karone, tai khan iku bi hathyar thakanai tai khan laga hath te. Aru tai khan iku bi akha thakannai pharaoh laga  sipahi khan logote bachibole. Tai khan bishi biya tarika te thakishe bandhi hoi kene aru Egypt manu khan laga khilaf te kahara kuribo napari kene. Tai khan hari kene thakishe aru hodai din hara laga hi bhabna te thakishe

Aru dusra phine, pharaoh khan tu bishi sipahi thakishe aru jadugar khan junkhan tai khan ke salah diye. Israel manu khan bhabna bi khuribo napare tai khan laga khilaf te khara kuribole. Hoilebi isor tu bhabna kuri loishe ki tai khan ke jiti bole dibo. Hoi itu dangor porob laga bhera hi thakishe, juntu tai khan ke hathyar nishina dishe tai khan ke Egypt laga bandhi pora bachabole nimte.

Itu hathyar pora duita dangor saman paishe. Poila, itu pora tai khan laga parivaar khan ke bachai kene rakhishe. Jote itu porob laga khun lagai kene thakishe tate utu Egypt laga sipahi khan ghushibo paranai. Aru utu homoi te jun khan laga ghor te itu porob laga khun lagabi kene thakanai tai khan laga poila jonim hua bacha aru janwar pala khan bi sob mori jaishe. Bhera laga khun pora khali ami khan ke bacha hi nahoi kene ami khan laga dushman ke bi morai diye.

Kilekoile hathyar lorai te thaka tu dikha laga nahoi hoilebi tagot thaka laga isor te niche te girai dibole jun khan ke tagot ase” 2 corinthians 10:4. Pobitro kotha te koi revelations 12:11 aru tai khan par kurishe tai ke bhera laga khun pora aru kotha tai khan laga gawahi pora.

Dhuri kene thakibi apuni laga hath te ispr laga khun kea mi khan laga bacha I diya isor jisu krista laga, junntu tai calvary te phelaishe.a ru chirkabi itu khun, jui nishina dushman khan ke jun khan apuni laga khilaf te khara kure itu koi kene: “jit isor laga khun te”. Aru apuni sob bondhi pora chutkara pabo, aru sob uthi thaka khan harai jabo. Aru isor pora hi tagot kuribo apuni ke pobitro kotha laga tagot te, jun laga khilaf kun bi khara kuribo napare.

Israel khan ke khali churai diya nahoi Egypt lagabandhi pora hoilebi aru Egypt manu khanke khedai dishe aru tai khan laga mati ke khushi aru bhorta saman sona aru chandi khan pora rakhki kene. 430 saal salaga baandhi hoi kene thaka tu ekdin pora hi churai dishe itu porob te bhera laga khun pora. Jisu pura tagot ase apuni khan ke pap laga adot,bondhi thaka pora churai dibole, tai laga kimyi khun pora. Amen!

Aji bhabna kuribole laga pobitro kotha tu hoile ephesians 1:7 tai uporte ami khan bachishe tai laga khun pora, mafi pap laga, tai laga mahima laga dhon  pora,