Apr 30 – PRASHANSHA ISOR KE!

Ephesians 5:20-21 “dibi dhonyabaad hodai sob saman khan ke Pormeshwar Baba ke naam tea mi khan Isor Jisu Krista laga, di kene ek dusra ke bhaoi te Pormeshwar laga”.

Jun khan thake dangor mon hodai hi dhonyabaad koribo aru prashansha Isor ke; hoilebi dhonyabaad mon nathaka hodai hi bakibo aru shikayat thakibo. Prashansha aru dhonyabaad diye anondo Isai jibon te.

Bishi ase jun khan nabuje shakti prashansha laga, aru hare vyabhar dhonyabaad. Tai khan itu ke age laga niom bhabna kore. Hoilebi manu khan ase jun ninda kore manu khan ke dhonyabaad dibo karone. ‘dhonyabaad diya’ ekta hobdo ase juntu Isor logote mili ken ease.

Amikhan zaroori te hi dhonyabad kore Isor ke . jitya ami khan bhabna kore sob labh khan laga juntu ami khan paishe chutu thaka homoi te, ami khan dhonyabaad kore aru prashansha kore  tai ke ekta bhal mon pora. Itu pora ami khan ke bhorta kore akha logote, ki Isor jun hi ami khan ke hodai bhal thakishe, koribo bhal ke age laga din khan te bi. Inika akha pora hi loi jai ami khan ke prashansha aru seva koribole Isor ke bishi pora bishi.

Ami khan prashansha aru gaurav kore Tai ke sai kene Tai laga nirmaan khan, Tai laga achurit khan ke. ‘Isor, kiman sundor pora apuni bonaishe swarg aru prithibi ke, ami khan prashansha kore Apuni ke! Kiman achurit pora apuni nirmaan korishe itu hagor khan, ami khan prashansha kore Apuni ke! Apuni bonaishe gash khan ke aru ghati khan ami karone, Ami khan prashansha kore apuni ke! Itu khan khali olop uddharan hi ase prashansha kora laga aru dhonyabaad diya laga Isor ke.

Purana Niom te aru Notun Niom te, itu hobdo ‘dhonyabaad’ ke cholai assi baar pora bi upor. Jitya Isor Jisu pothaishe chal khan ke duijon duijon kobole rajyo ke Pormeshwar laga, aru jitya ahe wapas anondo te tai khan laga mon te, Tai sai uporte Baba ke swarg te aru koi, “Ami dhonyabaad kore Apuni ke, Baba, Isor swarg aru prithibi laga, ki Apuni pora lukai kene rakhi ase saman khan gyani khan pora aru savdhan aru dikhaishe tai khan ke shishu khan ke”. (Matthew 11:25).

Ratir ahar te, “Tai loishe cup ke, aru dishe dhonyabaad, aru dishe itu ke tai khan ke, koi kene, “khabi itu pora, sob apuni khan” (Matthew 26:27). “titya Tai loishe cup ke, aru dishe dhonyabaad dishe aru koishe, “lobi itu pora aru bhag koribi itu ke apuni khan majete” (Luke 22:17). Tai kori thakishe dhonyabaad Pormeshwar ke hekh homoi te bi Krus laga.

Isor laga bacah khan, prashansha koribi aru dibi dhonyabaad hodai sob saman khan karone. Apuni janibo ki anugrah gherav kori ase apuni ke jitya apuni dhonyabaad kori thake aru prashansha kori thake. Itu hi khali rasta ase pabole ekta dangor anubhav.

Aji dhyan koribole laga pobitro kotha tu hoile 2 Corinthians 2:14 “itya dhonyabaad ase Pormeshwar ase jun hodai loijai jit te Krista te, aru itu pora hi phelai gunn ke Tai laga gyan sob jaga te”.