No products in the cart.
Apr 29 – THAR GHAREMA
elimchurchgospelGeeder grandh 84:4 Thar gharema vasseval nashibdhar, vo herghadi thona sthuti karacha.
Ghar kajako vathen 5 arathavun dekacha vundema agediya thu vassajako jaag. Tamilemar yek Satuva cha kaneesam yek vundarena vathoi vassen jag renu kan. Sonth ghar cheniju bhado Gharema vassero vu kathra jada velar khabar kunika. Thu katha vassu karasthoi vo gharer vakalivuna Yesur loyeen chopadan araj karastho mother khabarevun mayima ayeni.
Deemo ghar katmalena dekalacha. Katmalo katho Gharevalo gharevali Ajji beptan Ratho yek katmalo kacha. Prabhuj yee katmalena thayar kidocha. Adamena sopthir nai dethanu vaddan badavo kan ashis kidoju thona thar gharen sada ashis karevalo cha.
Theenmo yee ghar thar jeevadan dekalacha. Thu yee jeevadamaj athman jaanethi bhelan vasarochi. Kanna thu Yesu Christhun viswas karechiko jana thar jeevada vu Dev vasser gharer nai vejavacha. Dever vath Colossivalun 1:27 Christhu mahimar bharoser nai thamar mayi chajakoj vu rahasya kan vanchacha.
Charmo ghar katho Athmathi sathethi Dever beptan Dever sevakevo bhalan aradhana karer jaage dekalacha. Vu jaagema Prabhuthi bhalan vor sannidhin savaad karacha. Votha apan karajako arajen samlan, Apanen chavnujako dethanu, ashis karan, Apanen bharpur bahumana dethanu khusithi vu devalemathi hoto melacha.
Geeder grandh 122:1 Manna saayivajako dadiyasam Mar anki padan dekuchu kan Daveed kerocha.
Panchmo yee ghar shaswith vagi vasser jaagena dekalacha. Philippvalun 3:20 pan apaner vasaab swargema cha, vothethi apaner Prabhu Yesu Christhu ayena vaat dekrocha kan vanchacha.
Vujji apaner Dev Yesu Christhur vathema dekatho Yohan 14 :2-3 Mar Baper gharema ghane vasser jaag cha, cheni katho thamena kedetho, thamar vas yek thayar karena jarochu. Ma jaan thamar vas yek thayar karujer pacha, pharan aan thamena Mar dai bheluchu, Ma rujatha thammi rocho kan ko
Ajji jada dhyan Karen pado Geeder grandh 27:4 Yehovar dai yek pucho, vonaj ma dhunduchu, ma Yehovar mahimana dekena, vor devalema dhyan Karen, mar jeevadar dad sey vor devalemaj vassenaj asa karuchu.