Apr 29 – DIBI DHONYABAAD!

1 Thessalonians 5:18 “sob te dibi dhonyabaad; kilekoile itu ase icha Pormeshwar laga Krista Jisu te apuni karone”.

Dibi dhonyaad sob poristhiti te aru sob kaam karone. Itu ase icha Pormeshwar laga Krista Jisu te apuni karone. Aru jitya apuniitu kore apuni dikhibo ki jun manu apuni ke golti koishe, ekta Isor pora diya, nirmaan koribole apuni te ekta swarg laga adot.

Ekta sobse taan saman ase  khemai koribole tu hoiole wafadaari mota aru maiki laga majete; juntu bordasht koribole napara laga. Jun khan rakhishe tai khan laga bhar ke Krista Jisu te,pai santvaana. Hoilebi alag khan kun bi nathake santvaan koribole tai khan ke aru hekh kori loi tai khan laga jibon ke.

Ekbaar ekta maiki, jitya tai paishe nijor laga mota kea lag maiki logote, ki tai polaishe tai usorte aru thakishe ekta gorom jhagra. Tailaga mota tu kiba kahani koio thakishe hoilebi tai tayar thakanai hunibole. Tai ke lagishe ki tai laga pura jibon hi bhangi jaishe;a ru ghumabole napara hoishe.

Jitya tai girja te jaishe, pastor dihe tai ke tinta salha. Ekta, bishi prathana koribole mota nimite. Dusra, ashirbaad koribole tai laga mota ke. Aru tisra dhonyabaad koribole Isor ke pura mon di kene. Judibi tai bishi taan paishe itu tinta salha manibole, homoi paar hoi kene, itu pora bodli koribole shuru hoishe. Aru tate ekta bhal bodlav thakishe tai laga mot ate; aru tai ulai ahishe utu golot rista pora aru shuru korishe morom koribole maiki ke aru bi bishe  poila pora.

Isor laga bacha khan, judi kunuba apuni laga mon bikhaishe, morom pora prathana koribi tai khan karone aru ashirbaad koribi tai khan ke, hodai phujir. Sob te dibi dhonyabaad. Jitya apuni rakhe sob apuni laga bhar ke maujudgi te Isor laga, Tai hi hobo apuni laga salhakar aru Tai hi jhuji bo apuni karone. Tai pora pura koribo aru thik sob juntu apuni ke lage. Titya shanty Isor laga bhorta koribo apuni laga monk e ekta nadi nishina. Khemai kora morom, pora bodli koribo biya paapi ke ekta dangor ponditte.

“bahar gehrai pora ami kandishe Apuni ke, O Isor; Isor, hunibi ami laga awaz ke! Hoilebi tate khemai ase Apuni logote, ki apuni bhoi koribole” (Psalm 130:1,4). Psalms likha pora mate gehrai pora tai laga mon laga. Tate iku upravi prathana nai. apuni kitya bi ahram koribo nalage jitya tok apuni laga mon bodli nahoi jinika Krista Jisu nishina.

Aji dhyaan koribole laga pobitro kotha tu hoile Psalm 35:12-13 “tai khan inaam dishe ami ke  biya pora bhal karone, dukh tea mi laga mon laga. Hoilebi ami karone, jitya tai khan bimar thakishe, ami  laga kapra bi bosta laga thakishe; ami nomro korishe nijjor ke upwas pora”.