Apr 29 – AKANBA HAIJABA!

“Haijaba amasung nonjaba pumnamakna matam pumnamakta thawaigi mapanna haijou. Aduga asigumba pukningga loinana mitseng khangduna akhang kanba pumnamakka loinana asenga mi pumnamkki damak haijaduna leiyu. Aduga eigi damaksu, eina iya kathoktuna aphaba wapaogi athuppa wa adu thouna phana khanghannaba wahei  eingonda pibinaba haijabiyu,” (Ephesians 6:18-19).

Pakhonchatpa Paulna masana masabu nolllukchare hairaga Ephesiangi singlupna mahakki damakta haijabinaba haikhi. Mahakna  Iswargi wahei ngangthokpada thouna leinaba  aduga aphaba wapao gi athuppa asi phongdokpa ngamnaba haijabiyu haina haikhi.

Haijaba asi nahakki damakta thamoigi swar aduni. Aduna nahakna haijagadabani. Asengba punshi amadi lan ngamba punshi hingba ngamnaba haijagadabani. Haijaba haibasi khudongchabani aduga bor ni. Nahakna haijaringeida nahakki thawaibu nunghsijaba mahakpu uninggani. Nahakki babaga amata oibada haraobagumna haraobiyu. Haijabagi matam asi nahakna keidoungeidasu laithokkanu.

Thajaba sing amadi Iswargi manaisinggi damakta tougadaba thoudang ani lei. Ahanada, makhoi haijagadabani. Aduga anisubada makhoina haijabagi lanmi semgattuna makhoigi damakta thamoi sengna haijabigadabani. Makhoiga loinana haijabagi lan mi oiminnaba mising adu yamna haraobani aduga bor phangbani. Sastrana hai, “ani asi amadagi henna phei. Maramdi makhoigi thabakki asuman adu phanggani. Makhoi   turabasu amana hougatpigani. Adubu tuthaba matamda matomta oiba mi adu yamna laibak thibani. Maramdi mahakpu kana amtanasu pangbikhide.” (Ecclesiastes 4:9-10).

Mahakki damakta haijabigadaba Iswargi mi masi darkar oibani haibasi pakhonchatpa Paulna khanglammi. Aduna masabu nollukchare hairaga Ephesiangi misingda haijabinaba haikhi. Haijabagi lanmi singna nanggi damakta su haijabinaba haijou. Nahakna nasagi damaktasu leppa leitana haijagadabani

Thajariba mi ayambagi asoibadi makhoina makhoigi iratpot adu Iswargi manaisingda  piraga makhoigi damakta haijabinaba hai, adubu makhoidi masagi damatka haijade. Misinggi haijabiba pambagi matik makhoigi khuru khudak kullaga marang kaina haijade.

Sastrana haibadi eikhoina mi amana mi amagi potlum pugadabani hai aduga Christagi yathang thung hallo. Mi amana mi amagi damakta haijabigadabani. Kanagumba mi amabu sontharaktuna ninghannaba matamda atoppa singna mahakki damakta kanna haijadabani. Madu Christagi yathang ni. Iswargi machasing,nahak haijabagi lanmi oina adum leigadabani aduga misingbu haijabagi maramda thougatpiba mioi ama oina leiyu.

Dhyan tougadaba, “houjik ichin inaosa eina Prabhu Jesu Christagi mapanna amadi Thawaigi nungshibagi mapanna haijari , nakhoina eigi damakta amata oina haijabiyu.” (Romans 15:30).