Apr 28 – Senkendraba a Janaja!

“Bindo Koyen a d’ong do anin a kanuban janang Anin ajja-ad. Anten asan Koyen karran baraban barable barumeten” (Apaaramangta 4:5).

A jardinna ateng janabanji batte danangdangan delai sanenkendra alumben abmele. Bindo Kitungan abmele kan ate detena, buten amang saring kanuban adpaagad, sanensenben janang janaja adea pedde, senle do kannuban kuble.

Angante amben asenkendrate, Anin abmele barij tanimyiman batte lumba do agaja abdingding-dongne. Ateng birindanji, addiaraban sareba-singan yirteji, bo Kristu marge. Do buten buten ate atabme kaban orde atotolnanji absuidamnabe abmele yirteji. Buten buten ate hangdrangan ahangben abmele yirteji, do abgugudamna. Aninji adgalamaji Kitungan aitsum iten, orde aninji adnam’oiheji a d’ongan.

Kitunglen Jisun gamete: “E jolda maranji, amben abmele Jisaiya bangsale tungmadgijberan oblengeten, Kan a mandranji a usaltaman batte d’ong-Hen abpemengteji, bindo aninji a uggaran Hen saring boiboi sangaidam. Bindo aninji, roitad hanangan, gamle mandranji a banaihan hang-hangteji asan kayatingge d’ong-Hen senpwrteji” (Mattiu 15:7-9).

Bo surda danangdang daku a senkendraben abmele. Iten antate? Kun ate Kitungan adamba ayirben abmele, bindo Kitungan amang saring sagai dakutebe. Baran do lanuman ateng sagaidam dakute amainabe. Kitungan agaja kun kudduban adnisabe, kanuban orde sanenkendran baralen, orde abgugule a sentabe alumlen.

Koyino panglai kanuban absuidamnaben asan bindo anin galamle adraptiad kan abmele Kitungan m’oihten orde itja. Bo mandrengna orde mihaman adkuad amangban. Mihaman sattan pintunji madridte do Kitungan amangba urungtai.

Bindo Abol a d’ong gijgijba. Anin kanuban panglai itente Kitungan m’oihte. Dernnan batte, Kitungan a mangban a j’en surpidle, do Kitungan m’oihle. Anin galamle Jisun Kristun a d’ong-daman arakadang-lingan kubdamten, bo murkunrdangan ambrij. Imdamlen kaan ate, Abol apardi jungtun batte kanuban kuble. Tanahimdam Kitungan a onagji, agalamben dete iten ambrij a kanuban pangben dete Kitungan amangba, do a senkendrabe asan.

Okiy Kinolbe absele: “Anten asan, e buhanganjil Kitungan anabasuyeman asan hen garbertaben do, d’ong-benji am’eng kanubge, mariddam, bar Kitungan apsele tungna-jana, gamle apsuile tiyba. Kanate j’edage sanen- pwr gangkil bara-ben” (Romi 12:1).