Apr 28 – Manani hua sheva!

Genesis 4:5 isor pora sonman kuranai cain laga uphar ke. Aru cain bishi gussa hoishe, aru tai laga dhyojyo harishe.

Bishi saman khan ase ji pora rokhai ami khan ke isor laga sheva kuribole aru taike pungchibole. Itu hobo pare ki isor jun pora mananai cain laga uphar ke, apuni laga mahima bi lobule, nahoilebi dhonyobad lobule aru uphar lobule

Jitya mahima kure isor ke, itu koribo lage apuni khan bishi morom thaki kene aru niom karone nahoi. Bishi porivaar te, tai khan Sunday te girja jai, itu Christian manu laga niom ase koi kene. Aru kunba khan taikhan laga notun kapra aru gehna khan dikhabole jai. Aru dusra khan tu kiba kaam pabo naki koi kene jai, aru nijor laga naam kabole nimite jai. Tai khan najane ki isor ki icha kore aru tai ke khushi koribole mon bi nai.

Ami khan laga jisu krista koishe: “kapti! Thik hi profesy kurishe Isaiah pora apuni khan laga, koi kene: itu manu khan ami laga usor te ahe tai khan laga muk pora, aru sonman kure tai khan laga muk pora hi, hoilebi tai khan laga mon tu ami pora bishi dur ase. Aru ani tai khan ami ke sheva kure, sikhai diye age laga kotha khan manu laga niom nishina.” Matthew 15:7-9.

Kapti hua hi sobse dangor kata ase shev akura laga. Ki ase kapti? Ity dikhai ki isor laga usor te ase koth apora, hoilebi mon pora bishi dur te ase. Tai khan laga kotha aru kaam tu bishi alag alag ase. Isor pora kitya bi kapti kotha khan ke namanne, uphar aru sheva juntu niom laga hisab te kore itu kenamane, aru tai ke mahima kora tu homoi jabole karone kora ke.

Cain pora anishe tai laga uphar tu khali niom ase koi kene hoilebi kitya bi janibole kuchis koranai ki itu isor ke khushi kuhribo na nai. tai laga uphar te jibon aru khun thakanai. Itu khali khun laga daan hi ase ji pora dhulai pap khan ke aru ane manu ke isor laga usorte

Hoilebi abel ke sabi. Tai kiba uphar dibole mon jaishe juntu isir ke khushi kuribo. Tai laga Biswas pora, tai sior logote mon milibole parishe aru isor pora ki posond pai itu ke jani bole parishe. Tai jani kene thakishe ki isor pora jisu krista laga jibon ke uphar te dibo calvary laga kruste, ekta bhera bacha hisab te. Itu jani kene abel bi tai laga janwar khan laga poila bacha dishe isor ke. Isor laga bacha khan, jani bi ki kisim laga uphar sheva kora te isor khushi pai, aru sheva kuribi taike utu hisab te.

Aji bhabna kuribole laga pobitro kotha tu hoile romans 12:1 ami bisare apuni ke itu karone, bhai, daya isor pora, ki apuni diye apuni laga gau khan ke ekta jinda daan hisab te, pobitro te, juntu isor pora monjur kure, juntu apuni laga bhal kaam ase.