Apr 27 – THAR SABHANA PREM KARNU

Epheseivalun 5 :25 Christhu sada vor sabhana prem kido.

Aposthaler kam 20:28 Ajji 2:47 vachanema chaju sabha kajako Prabhu Yesu vor sonth loyee redan mol lethanu bhandojako cha jethi sabhana seji prem karnu. Kassen katho rakshan parejen sejini Prabhu sabhama bheltho aayo kan dekacha.

Ma yek Juno magazinema moto sevak Hannu araj kidojen vanchotho, asmanema chijako premero Prabhu thu hamen prem kidoju ham sada yeken yek prem karnu kan sikhayochi. Lapan ham thu sikhayojako premena dekalrekoni. Hamema massaj rees, massaj virodha, massaj bhandero massaj garab, asuya, petballero, matha virodh karero, pisa takkama vyathyasa dekalan ham premen gamalinecha. Yethi ham thar ankima hassu avaju karrecha. Jethi daya karan hamen thar premethi prem karer sikhada kan Nora karrecha.

Sabha katho yeken yek bhalan thandrin maati theda cheniju sahavasethi reroj.

Dever sabhama avajana Dever seva karevaler saru araj karnu. Sabhamathi Ajji jada seva kareval vutan bhar javunu kan araj karer seeklenu. Ye sethi jada navvo admivun kamavaju prayas karnu.

Yek haptha Paul Yangicho Dever sevaker vathema, Hamar sabhama 20 admi vethejana vathoi Ajji jada lakema badethoi ham mathram sabhama sey yekkaj dallethi yekkaj sahavasema kannai renu kan ankir hassuna redan araj karthey arecha. Jethij hamar sabhar virodh vagi rupsijako kunsi thalavari thami konthi. Yek vela kunsik vela Sathaner vadithi aayikatho hamar araj karevaler gupmu seji vunder godi par hubaran Sathaner kamevun bhandnakacha. Jethij ham jorethi cha kan ko.

Hava shahar joraj sabhama chajer sad jorven racha. Aposthaler kam 4:32

Athraj koni viswas kidejako sey, yek dallethin yek mannethi ra, koithoi vundena Rajena kunsinithoi maro kan keldey koni, soli vunden senaj ven ra.