Apr 27 – Sheva daan logote!

1 chronicles 16:29 dibi isor ke mahima tai laga naam laga; ani dibi daan, aru ahibi tai laga agete. Oh , sheva kuribi isor ke tai laga sundor pobitro ta te

Bhabna kuribi pobitro kotha te ki koi ami khan ke kinika sheva kuribole lage. Itu pora koi, ki ami khan daan loi kene sheva kuribo lage. Daan tu ekta morom diya nishina ase dhonyobaad mon pora. Itu dikhai diya ase morom aru sonman isok karone thake ke. Daan diya bi sheva kura laga ekta bhag ase.

Jitya jisu krista prithibi te jonom hoishe, gyani manu purab phine pora khali hath ahanai taike sheva kuribole. Tai khan nijor laga sobse bhal dan logote ahishe. Pobitro kotha te koi: “aru jitya taikhan ahishe ghor te, tai khan itu chutu bacha ke dikhishe mary tai laga ama logte, aru giri kene tai ke sheva kurishe. Aru jitya tai khan nijor laga khazana ke khulishe, tai khan uphar dishe taike: sona, dhoop khan dishe

isor tu apuni laga daan khan pora bhorta hobole laga nahoi, nahoilebi apuni pabo sior pora ki lagi ase ituke. Hoilebi, itu dikhai diya laga ase apuni laga morom aru sonman isor ke. Jitya mi khan raja ke sabole jai, itu tai laga mon ke khushi kuribo, judi apuni kiba morom laga uphar tai karone loi jaile. Itu pora bhi raja laga mon te apuni nimite morom laga bhabna anidibo. Aru utu laga homoi te .tai sob pura kuribo apunui ki mangile bi

Itu ekta mamuli adot ase, swagat kuribole ami khan laga sathi khan ke aru dangor officer khan ke airport khan te, phool nahoilebi mala aru chadar di kene. Kunba khan tu phal aru mithai khan bi diye tai khanke swagat kuribole. Inika kaam pora khushi kora manukhan laga mon ke ki iman sonman pai ase koi kene. Inika kaam pora ami khan biya hoi thaka rishta khan bi thik kore aru purana mon te tita khan bi hatai diye

Itu nihina hi judi apuni bi nijor laga bhal uphar logote isor laga agete jabi, jitya puni taike shva kure, itu pora isor laga mon ke khushi kuribo. Hoilebi apuni jane ki sobse bhal uphar ki ase jitu apuni isor ke dibole pare? Itu apuni nijor ke pura diya tu ase. Romans laga kitab te 12:1 itu dibole laga ase nijor laga gau khan ke ekta jinda daan hisab te , pobitro aru isor laga monnjur te.

Isor laga bacha khan, isor pora nijor ke dishe kruste, ekta zinda daan hisab te bachabole apuni ke apuni laga pap pora aru notun jibon dibole karone. Tai nijor laga khun khotom hua tok tai thakishe apuni karone. Apuni khan ki dibole paribo itu laga bodli te, tai laga morom kaorne?

Aji bhabna kuribole laga pobitro kotha tu hoile psalm 116:12-13 ki dibo ami isor ke tai laga labh ami khan nimite thaka karone? Ami lobo cup mukti laga, aru matibo isor laga naam ke.