Apr 27 – MOROM KORIBI GIRJA KE!

(Ephesians 5:25)“Jinika Krista bi morom korishe girja ke aru dishe Nijor ke tai nimite”.

Girja ase khara kori kene Isor pora. Itu karone sob bacha Isor laga morom koribo lage girja ke. Isor pora kinika she girja ke Tai nijor khun pora. (Acts 20:28).  “Aru Isor dishe tai khan ke girja te hodai din Jun khan bachishe”(Acts 2:47).

Girja ase milap biswasi khan laga. Itu ase jaga jote sob bacha khan Isor laga mile iki logote Bhai aru boini nishina, seva koribole Isor ke atma aru hosa te.

Ekbaar ami porhibole paishe shaktishali prathana ke likha laga ekta naukar pora Isor laga ekta purana magazine te. Itu ke inika porhe: “Morom kora swarg laga Baba! Jinika apuni ase morom, Apuni shikhaishe ami khan ke morom koribole ek dusra ke. Hoilebi Tate ase iman ghrina, alag mon, ziddi, suku jola, ahankar, khong, jati bhetbhav aru alag kora arthik stithi ke bi. Ami khan Jane ki sob ami khan laga kaam Ane suku Pani khun laga apuni laga suku te. Itu karone, Isor ami anurodh kore Apuni ke bhorta koribole ami khan laga mon ke apuni laga Divya morom pora.

Bacha khan Isor laga Kun morom kore girja ke, prathana koribo lage girja nimite. Tai khan kandibkene prathana koribo lage Pastor nimite aru dusra naukar khan nimite Isor laga. Jitya tate ase samasya desh te, apuni ahibo lage iki logote ekta girja hisab te aru thakibo lage upwas prathana. Vyast rakhibi nijor ke mantralay te evangelism laga girja dwara. Lok koribo notun atma khan ke aru loi jabi tai khan ke Isor  te.

Hobole dibi girja ke khara hobole ekta Mahal nishina, Kona pathor te Krista laga, aru jor chela khan laga Sikh pora. Isor nijor hi ase sobse dangor charwaha aru loi Jai girja ke. Krista ase matha aru girja ase gau. Krista ase charwaha aru girja ase bhera kheti laga. Krista ase angur lota nahoilebi gash. Khali jitya tate ase milap aru ekota biswasi khan majete, girja paribo barhibole ekota pora mon laga.

Ekbar Paul Yonggi Cho koishe: “Tate thakishe homoi jitya ami khan Khali thakishe bista sadasya girja laga. Aru tate thakishe homoi jitya manu khan ginti barhaishe bishi te. Hoilebi ami khan laga girja kityabi bhanganai. Itu kilekoile ami khan prathana kore suku Pani logote, girja milap aru ekota mon laga sob sevakai te. Itu karone dorjaa khan narak laga ahanai amikhan khilaf te. Ki dushman anile bi amikhan laga ekota aru milap laga khulafte, amikhan laga prathana yodha khara kore tai khan laga ghutna te aru Mari phelai aru khothom kore sob yojna khan ke ami khan khilaf te. ”

Bacha khan Isor laga, tagor girja laga ase tagot biswasi khan laga.

Aji dhyan koribole laga Pobitro kotha tu hoile (Acts 4:32) “itya hazar ta tai khan Jun biswas korishe thakishe ekta mon pora aru ekta atma pora, na kunuba koi ki ji tai khan ase tai khan nijor laga hoi, hoilebi tai khan sob saman khan thakiahe.”