Apr 27 – IRATPOT AMADI KHURUMBA!

“Iswarna phangbada matik chariba matik magun adu phanghallu. Iratpot puruna Mahakki maphamda lak-o. Sengthoiraba Iswarbu thagatlasi! (1 Chronicles 16:29).

Eikhoina karamna khurumgani haiba adugi maramda Sastrana kari haiba thijinjasi. Eikhoina iratpot ka loinana khurumgani hai. Iratpot asi haraobagi thamoidagi thorakpa nungshibagi khudolni. Eikhoina Prabhu bu nungshi amadi ikaikhumnabagi khudamni. Iratpot asi khurumbagi sarukni

Jesuna pokpa matamda mahei heibasingna Mahakpu khurumba lakpa matamda khut hangna lakkhide. Makhoina khwaidagi pharaba iratpot adu pukhirammi. Sastrana hai, “makhoina yum aduda changlakpa matamda Mary mamaga loinana Angang adu urammi. Aduga makhoina tuthajaduna khurumkhi. Makhoin langei hangdoktuna sana, frankincense amadi myrrh pirammi. ” (Matthew 2:11).

Nahakki iratpot ki mapanna Iswarbu inak khungadaba batte, aduga nahakna pamkhiba adusu phangnabagi pambeisu natte. Nahakna Iswarbu nungshibagi amadi ikaikhumnabagi khudamni. Nahakna ningthou ama gi maphamda changjaba matamda iratpot ka loinana changlabadi mahak  haraogani. Madugi mapanna ningthou adugi thamoida nungshibagi ithil hachingani. Maduda mahakna nahakki haijaba adu pibirakkani

Aduga eikhoina marup mapang natraga angam athousingbu airport ta okpa chatpa matamda leigi khudol pibasi icham chamba chatnabini. Kanagumba misingna hei natraga mithasing pinei. Madugumlaba khudol aduna mi adu haraohalli. Madugi mapanna kairamkhraba marisingsu taisinnabani aduga amaga amagi marakta thamnariba akhabasingsu mutthatpani.

Aduga chap manana nahakna Iswarbu khurumb matamda khwaidagi phaba  iratpot amaga loinana changba tarabadi Iswargi thamoi adu haraohangani. Adubu Iswarda katkadaba khwaidagi pharabaree iratpot adu karino haiba nahakna khanglabra?Mahakki maphamda nahakna pum pi pisinba aduni. Romans 12:1 gi matung inna nahakna nahakki hakchang adu ahingba iratpot oina Iswrna lousinba yaba maongda katpa aduni.

Nahakpu paptagi kannaba Prabhu masamakna Crossta mahakki thawai katchakhi. Mahakki aroiba eegi eerikphao nanggi damakt katkhre. Madumlaba akhakpa leitaba masagi khandaba nungshiba  adugi laman oina karibu katkani?

Dhyan tougadaba:-eigi iphamda kannaba mayam pibasinggi damakta Prabhu da karibu katchagani? Arankhubhamgi tenggot adu thanggattuna Prabhugi ming koujagani. ” (Psalm 116:12-13)