Apr 27 – CHURCH PU NUNGSHIYU!

“Christana Church pu nungshiduna mahakki damakta pithokpagumna” (Ephesians 5:25).

Church asi Prabhuna lingkhatpani. Aduna Iswargi macha khudingmakna Church pu nungshigadabani. Prabhuna Churchpu mahakki eena leibikhrabani. (Acts 20:28) aduga kanbiba phangkhrabasingbu Prabhuna church ta tinsinbirammi.” (Acts 2:47).

Church asi thajabasingna punba maphamni. Masi thajbasing Iswargi machasingna machin manao oina Iswarbu thawaida amadi achumbada khurumnaba punba maphamni.

Matam amada Iswargi macha amana ariba magazineda haijabagi maramda iramba panggal leiraba haijaba adu thengnarammi. Madu asumna lei: “ swargi nungshiraba Ipa! Nahakna nungsiba oibagi matung inna nahakna eikhoibu amaga amaga nungshinaba takpire. Adubu nahakki nachasing oina koubikhraba eikhoi asidi amaga amaga nungshinade. Adubu tukkachanaba mayam leire, tokhai tokhai tanaba,thamoi kanba, khambannaba, napan, jat khetnaba, senthum gi matangda khetnabana pikthalli. Eikhoina khangi, eikhoigi thabaksingna nahakki mittagi eegi pirang sinthahangani. Aduna Prabhu nahakki nungshibana eikhoigi thamoi asi pik thal hallu haina nijari.

Church pu nungshiriba Iswargi machasingna church ki damakta haijagadabani. Makhoina pastor gi damakta amadi atoppa Iswargi manaisinggi damakta pirang sinthabaga loinana haijagadabani. Jati amagi manungda awaba thoudok thokpa matamda nakhoina church ta punduna  chara hellaga haijagadabani. Churchki manungda evangelism ki thabakta pukning thingjillu.

Church adu Christagi chithekki nung aduda sagatpa yum oihanbiyu. Aduga madu pakhonchatpasinggi tambi takpiba aduda yumpham oihallu. Prabhu masana singlupki Yaosenba makokni aduga mahakna churchpu luchingbiri. Christa asi churchki yaosenbani aduga yaosingna mahakki sanjabungda sajik chariba ni.  Christana drakha marini aduga churchna masani. Thajbasinggi marakta amata oibagi apunba leirabadi church adu chaokhatkani.

Matam amada Paul Yonggi Cho na asumna hairammi, “eikhoigi churchta members kun khakta leiramba matam leibani. Aduga aduga members singna millions ta hengatlakpa matamasu leibani. Adubu eikhoigi churchti keidoungeidasu tokhai tokhai taba leite. Marmadi eikhoina Church service khudingda pirang ga loinana haijaminnei.  Madugi maramna norrokki thongjaona eikhoibu ngamde. Eikhoina amata oibagi maramna eikhoibu panggal kanba oirammi. Satanna eikhoigi amata oibagi apunba adu thugainaba lakliba khudingmakta eikhoigi haijabagi lanmisingna khuk u khudak kunduna phattabagi thourang khudingmaktu thugairammi

Iswargi machasing,churchki panggal haibasi thajabasinggi panggal oiribani.

Dhyan tougadaba: “aduga thajabasinggi adu thamoi amata thawai amata oirammi,aduga makhoi makhoigi leijabasing adu masagini haina kananasu haide adubu pot khudingmaktu punna saruk yaminnarammi.” (Acts 4:32).