Apr 26 – THAR BEPTAN PREM KARNU

Gener vath 13:22 Acho manikya vor naathipothena aasthin chodden  javacha, pan papir aasthi niyathedhar hasso vacha.

Dever vadithij bepta mot bahumanar nai Apanen demelocha. Vothi apaner dall khushithi bharajavacha. Athmathin sathethi vo Bepta thamathi bhalan Deven aradhana kareda. Thar heryekema hasso dhar venu.

Ephesivalun 6 :4 bapuvo, tham sada thamar beptana rees chuta deniju, Prabhur sikhaman, bodhama vunden palo.

Kun vunder beptan prem karachko vo beptar vajako dader bagey soch karacha. Khoran piran padayer sath yadi Baper kam vejayeni. Lapan vunden Yesu Christhur hathema denaknu. Vo dekan hachethi chalaju thu banchanu. Jannaj vunder jeevanen athmikvagi bhandlen avajako dadema ashisethi riyya.

Geeder grandh 127:3-4 tham badi parabhathi vutan ghano rather vagath vachaanen jayeron kastar battina khayeroi Taaloj, pan vu vor preme valena neendena dacha yidek bepta Yehova dajako hasso, peter phal vu dajako yinaam kan vanchacha.

Geeder grandh 128:3 Thar gharevali thar gharema phal dajako angurer veler nai racha, Thar telera gheran, Thar bepta volivar jhader nai racha kan dekacha.

Yeshaya 8:18 Maan Dev manna dinojako bepta Siyoner gatlapar vasrojako Yehovar vadithi acham kalar kamena karevaler nai hamma Yisraelevaler vacha cha.

2 Corinthivalun 8:23 Tithur barema koithoi khabar puchatho vu Mar sathyaan, thamar khabrema Mar sobathya sevak chakan, apan bhayiyur vadi koi thoi kahabr puchatho, vo sabhar vachelan Christhuna mahimar nai cha.

Gener vath 22:6 Beta chaler Vatema chalena seekvadi da, vor budapanemayi vona chodan jayeni.

Gener vath 22:15 betar dallema bagar Gener heva racha. Pan shkshar daang vothi chodavacha.

Ajji jada dhyan Karen pado Hebrivalun 12:9 Vujji apaner jeevadar Bap apanena siksha dinejana, apan vundena chamkan chaleju apan banchan rena Athmar Bapena kathraiko jada dabsabban chalnu kunika?