Apr 26 – Kile apuni sheva koribole lage?!

Daniel 6:7 jun khan bi anurodh kore kunba isor ke aru manu ke tis din tok, apuni ke chari kene oh raja, tai khan k eke bhag laga gufa te dhali dibo.

Itu prithibi jote ami khan thake, bishi manu ase jun khan laga nijor naam uthai dibole mon jai. Tai homoi bi phelai thake nijor laga naam dangor kuribole nimite.

Bishi political leader khan tai khan laga naam koi kene mahima kuribo dibole mon aru mala lai di kene naam uncha kuribo dibo mon jai. Tai khan hodai din hi bishi manu rakhi thake tai khan laga age piche te. Tai khan bishi poisa lagai inika manu khan ke rakhibole nimite.

Ami khan itu bi dikhipai ke tai khan nijor laga murti ke bonai aru tate likhi kne thake ki taikhan uncha ase, sonman kora laga ase aru inika kotha khan. Ami khan itu bi dikhi pai ki tai khan ke mana manu khan tai khan ke salam kure.

Hoilebi isor laga bacha khan inika kityabi nakuribo lage. Tai khan janibo lage ki itu khan iku kam nathaka laga ase, aru kinika hodai din laga niom laga khilaf te ase. Manu tu mora lag ase aru tai ke mahima kuribole laga iku bi haqdar nai. itu kaorne, isor laga bacha kbhan, kitya bi inika mahima namagibo lage. Pobitro kotha pora itu bi koi ke kun nijor laga mahima bisare isor pora tai laga mahima ke sorom te bodlikuri dibo, hosea 4:7.

Tini hoile kun hi ami khan laga mahima aru sheva laga haqdar ase? Kun kea mi khan sheva kuribo lage? Daniel khan laga homoi te, judi bi itu niom thakishe ki sob khan khali raja laga agete ghutna te ahibo lage, Daniel kitya bi itu niom ke bhabna kuranai. Daniel 6:10 “jitya Daniel itu janishe ki niom tu lagu hoi jaishe, tai ghor jaishe. Aru upor laga karma te, tai laga khirki khan ke khuli kene Jerusalem phine, tai tinbar gvhutna te ahi kene prathana kure aru isor ke dhonyobad kure, tai laga itu niom thakishe utu homoi te.” Apuni khan bi bhabna kuribo lage kinika isor tai laga itu kaam ke sonman kurishe. Jitya Daniel dukh te thakishe aru taike bhag laga ghufa te dhalishe, isor bhag khan laga mukh hi bondh kuri dishe aru tai khan ke hamla kuribole rukhaishe.

Iso rlaga bacha khan, apuni laga ki homoi thakile bi, sonman kuribi manu ke manu hisab te hi. Mahima nijor karon nabisaribi aru manu khan  ke bi apuni ke manu hisab te hi sonman kuribole dibi. Isor ke mahima kuribi apuni laga sob mon di kene. Kile koile isor ekla hi mahima laga haqdar ase, aru sheva laga.

Aji bhabna kuribole laga pobitro kotha tu hoile Daniel 6:20 aru tai jitya gufa te ahishe, tai hala kurishe kan di kene Daniel ke. Raja pora inika koishe Daniel ke, “Daniel, naukar zinda isor laga, ki apuni laga isor junk e apuni narukhi kene sheva kure, apuni ke bachabole parishe?