Apr 26 – JITYA APUNI KHEMAI KORE!

Psalm 32:4 “kilekoile din te aru rati te Apuni laga hath bhari thakishe ami uporte; ami laga jibonshaki bodli she sukha gorom din nishina. Selah”.

Jitya apuni pura mon di kene khemai kore alag khan ke, sob bhar khan apuni laga mon laga bone halka; aru apuni bhorta hoio swarg laga shanty aru sthir apuni laga mon te. Khemai ase ekta bishi zaroori sabak juntu Jisu pora shikhaishe ami khan ke.

Tate kunuba manu khan ase jun khan ke dikhe komjur nishina. Hoilebi judi apuni uksai tai khan ke, tai khan dasi dibo saap nishina; aru tai khan laga hosa adot ulai ahibo. Tai khan chillabo biya kotha pora aru biya vyabahar koribo, judi kunuba chipai tai khan laga theng ke najani kene. Itu kilekoile tai khan nai Krista tai khan te.

Saal 1956 te, panch ta missionaries United States pora, charishe tai khan laga sob ash aru ahram khan ke ghor laga koribole ministry ke evangelism laga Ecuador  te, ekta desh jote zaroori ahram bi nai. hoilebi tate thaka laga manu khan mrai dishe tai khan ke aru phelai dishe tai khan laga gau khan ke nadi te; chari kene tai khan laga maiki khan ke ekta vidvaah te.

Ekta utu panch jon missionaries khan pora thakishe Nat Saint . tai laga maiki, khong hobole laga jaga te Ecuador laga, jaishe utu matite tai laga duiita bacha khan logote, cholabole ministry ke Isor nimite. Utu jaga laga manu khan bishi achurit hoishe aru hudishe tai khan ke, ‘Kinika apuni iman himmot hoishe ahibole itu jag ate? Ki apunibhoi nalage? Ki hobo judi ami khan morai diye apuni ke thir pora?’ hoilebi utu maiki, koishe morom ke Krista Jisu laga aru kinika utu morom loi jaishe tai khan ke ekta missionary nishina. Jitya tai koishe tai khan ke morom ke Isor laga tai khan karonne, utu  manu khan mukti te ahishe Isor laga. Hoi, morom Isor laga bodli kore nabuja jangli khan laga bi dharmikta te.

Ekta maiki thakishe, jun laga mon ke chuishe utu chunoti ke missionary laga, aru prathana korishe Isor ke pothabole tai nijor ke Isor laga mantralay nimite koribole kaam jangli khan majete. Hoilebi homoi paar hoi kene, tai haishe utu drishti ke aru shadi hoi jaishe. Tai laga mota laga mon tu taan thakishe; aru bhoi korishe.

Hoilebi Isor kotha korishe tai ke aru koishe: “apuni koribo mon jai thakishe ministry jangli manu khan majete. Kilekoile apuni janai jangli manu khan majete, apuni pothaishe ekta jangli nishina manu apuni laga ghorte. Pai lobi tai ke Ami karone aru loi jabi tai ke mukti te. Aru Ami nije laga puhor jiliki bole dibo tai uporte”. Aru utu maiki itu ke ekta chunoti hisab te loishe, loi jaishe tai laga mota ke mukti rasta te Isor laga anugrah pora, aru bonaishe tai ke Isor laga podit. Isor laga bacha khan, iku bi namumkin nai Isor karone.

Aji dhyan koribole laga pobitro kotha tu hoile Psalm 32:5 “ami mane ami laga paap khan ke Apuni agete, ami laga golti ami dhakanai. Ami koishe, “Ami swikaar koribo ami laga golti khan ke Isor ke,” aru Apuni khemai korishe golti khan ke ami laga paap laga. Selah”.