Apr 25 – Saanensen-lingan Luluna!

“Bar janang Gamangtungan amang lingan m’oihnaba, etteden Anin j’e-ben a itsumanji tiyte” (Sanenken 37:4).

Sanensen-lingan surda man’oihan daku, Kitungan a tanurdun asan. Kitungan timangbalen hiytai-dakune sanenkendra-ling-len. Anin kuddub itsumbenji abojoraite, angante abgugule do asenkendrate.

Bo inslobojan a mandrengna-lingan aboi saring aboi kanalkal-lingan galule. Kuddub kanalkal-lingan, anin ateng kanalkalan dele. Do garbernaben susule do edalen Kitungan amangba iten asan kan kanalkal-lingan hen daku gamle, bimbimanji do arasudanji.

Atanalmad-lingan Kitungan absuile bo arikkan abaltingan. Do Anin a d’ongan gamle: ‘t’odlinganam saaring anabgugun agasa, orde j’e-ling-nam. Iten asan gamlenden j’e-ling-nam ateng er bangsanji daku. sunuman kan kudduban panglai manglen-nam’. Kun ate imdamlen t’urdumle atabdong kinkinan kenle do Kitungan a d’ong abgugule.

Ayimle itente banangsanji anin kitungan amang saaring hangle, a daangardin saaring. Anin janang tiydamlen kuddub Kitungan a rubmanganji, do senkendrale. A j’e-lingan saring anabgugu yiraiten, engale bo sanangan arineten ambrij, do senle Kitungan a d’ong abgugule, edana j’en batte do aldung j’en batte. Anin dimadnaba yireten, er galamlabe, senkendrale. Do angante anin dilen, bo surda rubmang, arasudanji orde er t’ulanji agasa a d’ong-lingan. amanglingan tabme man’oihan barij dele, Kitungdage aranaptin do aranadun.

Bibolan gamte: “Anten asan Anin batte dile tordong Kitungan amangban sanensen ge kanuban, manan, Anin ahiman abpengbatenan‘a usaltaman a j’onji na a pangtiyba” (Ebri 13:15). J’e-ling-ben do sing-ling-ben Kitungan a panemengan barij deate gamle a oganditepo? Abguguba do senkendraba a d’ongan. Kitungan amben asanaisajan tiylente gamle aoganditepo, kristun Jisun sanle? Abguguba. Kuddub bimbimbenji sagaijeten gamle aogandite po, do Kitungdage a bangsa d’ongan dakuete agamtepo? Abguguba Kitungan a d’ong.

Abgugun alumtabe boi boi bangsadam, do kan ate banangsadam. Bibolan gamte: “E roitad maranji, Gamangtungan amang lingan m’oihnaba, iten asan gamlenden sanensenan rojol-j’e maranji apsele tungnadam!” (Sanenken 33:1). Anabgugun pangtai Kitungan anabsittan. Angante amben abgugute Kitungan a d’ong Aranaptin batte d’ongben dongrabte. “Bute bute sarebasing-ling-Nam basuteji, aninji man’oihdam! Aninji dile tordong d’ong-Nam senkendrateji. Bute bute mang-ling-Nam saring ranaptin hangteji, do Sion bwrban a yerben asan angtzrteji, aninji man’oihdam!” (Sanenken 84:4-7).

Okiy Kinolbe absele: “Iten asan gamlenden Anin argal-j’e maran a d’ong abtaggalte” (Sanenken 107:9).