Apr 25 – MOROM KORIBI APUNI LAGA BHAI KE!

(1 Peter 2:17) “sonman koribi sob Manu ke. Morom koribi Bhai khan ke”.

Chela Paul aru John likhishe Bishi morom kotha ke Bhai khan majete.   “tai Jun koi tai ase puhor te, aru ghrina kore tai laga Bhai khan ke, ase andhera te itya tok.  Tai Jun morom kore tai laga Bhai ke thake puhor te, aru tate nai iku karone te bi garibole Tai te”  (1 John 2:9-10).

Morom koribi apuni laga Bhai khan ke, aru itu hobo apuni laga tagot aru mahima. Jitya Bhai khan khara kore khilaf te Satan laga,btau polai jabo tate pora. Ekjon por khedabo pare hazar ke; aru Judi duita Bhai mile tai khan dhalibo polabols dos hazar ke.

Tate ase ekta Tamil kobita ji koi, ‘ itu bhal ase ekata te thakibole aru komi ekata laga Khali koribo bita’.  Bacha khan,bitu ase Bishi dorkari bachabole ekata ke, ekata mon te aru milap te morom laga.

Bisi porivaar khan te, morommajete bhai khan laga achanak Hari Jai, aru homoi tebhag kora laga sampatti te juntu ama baba pora rakhi jaishe. Kunuba porivaar te, kilekoile maiki khan laga jhagra pora bhai khan laga, tate ase biya bhavna majete Bhai khan laga. Apuni itu karone Jani thakibo lage ki bhai khan laga morom aru milap Kom nohobole

Ami khan sob ke ase morom kora dangor Bhai Krista te. Pobitro kotha te koi ki Tai kitya bi sorom koranai matibole ami khan ke Tai nijor laga bhai(Hebrews 2:11).  Ekbaar Isor Jisu koishe Tai laga chela khan ke aru koishe, “ kintu junbi kore icha ke Ami Baba laga swarg te ase Ami laga Bhai aru bouni aru ama”(Matthew 12:50).

Judibi sob Jon ami khan jonom hoishe alag alag jaga te prithibi laga, dangor hoishe alag alag jaga te, jitya ami khan ahe krus te jote ami khan laga dangor Bhai Jisu Krista phelaishe Tai laga kintu khun ke aru morishe ami khan karone, ami khan mehsus kore sob ami khan bachishe utu iki khun pora aru hoi sadasya utu iki swargya porivaar laga, aru kisob biswasi ase ami khan laga nijor Bhai aru boini Krista te.

Pobitro kotha te koi, “ thakibi, kiman bhal aru kinika shant ase itu Bhai khan rhakibole iki logote ekata te! Kintu tate Isor adesh dishe ashirvaad – jibon hodai din laga”.  (Psalm 133:1,3)

Bishi porivaar khan te tate nai iku Khushi milap majete Bhai khan laga, sob tai khan ki ase koile jhagra aru namila kotha khan, jitu biya kore tai khan laga jibon khannke. Cain thakishe suku joli kene tai nijor Bhai laga aru morai dishe Tai ke.    Esau ghriba kore tai nijor Bhai Jacob  ke. Pobitro kotha te koi, “ Jun ghrina kore tai laga Bhai ke ase ekta hatyara, aru apuni Jane ki kun hatyara bi nai hodai din laga jibon tai te.” (1 John 3:15).

Aji dhyan koribole laga Pobitro kotha tu hoile (1 John 3:17) ase “hoilebi Jun ke ase prithibi laga bhal khan, aru Sai tai laga Bhai ke dorkar te, aru bondh kore tai laga mon ke tai pora, kinika morom Isor laga ase tai te?”