Apr 25 – KHONG ISOR LOGOTE!

Jonah 4:9 “titya Isor koishe Jonah ke, “ki itu sahi ase apuni karone gussa hobole itu gash nimite?” aru tai koishe, “itu sahi ase ami karone khong hobole, mora tok bi!”

Jonah khong hoishe Isor logote; aru tai bodli koranai utu khong ke. Hoilebi Isor thakishe morom Jonah uporte, aru adesh dishe ekta gash ke uthibole aru tai ke chaya dibole, tai ke khong pora hatabole. Titya Tai laga morom te, Isor ahishe aru hudishe Jonah ke judi itu sahi ase tai ke khong hobole.

Kile Jonah bodli koribo paranai tai laga khong ke? Itu kilekoile tai laga drishti pura huanai manu khan te Nineveh laga. Isor daya lagishe manu khan uporte Nineveh laga aru ghuraishe icha ke  khotom kuribole laga utu nagar ke. Kilekoile Isor ase bhorta morom pora, anugrah pora, dukhbhuga aru bhorta day ate, Tai khemai korishe manu ke Nineveh laga, utu homoi tai khan ghuraishe tai khan laga mon khan ke aru dhakaishe nijor ke bosta laga kapra pora aru bohishe chay te.

Isor kotha korishe Jonah logote utu gash pora hi. Isor koishe, “apuni thakishe daya utu gash uporte juntu karone apuni dukh korishe, aru dangor hobo diyanai, juntu uthaishe rati te aru morishe rati te. Aru ki Ami daya nahobo Ninevah ke, utu dangor nagar, jote bishi ase eksau  bis hazar manu khan jun khan bhabna koribo napare dahi aru baya hath ke bi – aru bishi jontu janwar khan te?” (Jonah 4:10-11).

Bishi baar,a mi khan hude bishi sawal khan ke Isor ke, kilekoile ami khan janibole napare anginat gyan aru budhi ke aru Tai laga rasta khan ke. Ami khan khong kore Isor uporte. Pobitro kotha te koi: “Rahasya mai saman khan ase Isor ami khan pormeshwar laga, hoilebi juntu saman khan juntu ke dikhaishe ase mai khan karone aru ami khan laga bacha khan nimite, ki ami khan kore sob saman khan ke niom laga” (Deuteronomy 29:29).

Aji laga din te bi, apuni digdar pai thakibo pare apuni laga mon te bishi sawal khan logote inika, “ki kile iman samasya khan ase ami laga porivaar te?’, kile ami napai ekta bhal kaam?, nahoile kile Isor pora ami laga bacha ke loi loishe?’. Hoilebi ekta thik homoi te, jitya apuni swarg te jai, apuni sapah pora bujibo paribo ki morom laga Isor pora korishe sob kaam khan ke apuni laga bhal karone. Pobitro kotha te koi, “aru ami khan jane ki sob saman khan hoi aru kaam kore bhal karone tai khan ke  jun khan morom kore  Isor ke, tai khan karone jun khan ke matishe hisab te Tai laga kaam laga” (Romans 8:28).

Kilekoile apuni napare bujibole rasta khan ke Isor laga apuni laga kom buja pora, apuni bhoi  kore mon te. Hoilebi judi apuni bohe theng te Isor laga, prathana koribi aru bhabna koribi, ki Isor jun dikhai rahasyamai kotha khan ke, dikhabo Tai laga icha ke apuni laga jibon karone.

Isor laga bacha khan hobole nadibi khong Isor laga khilaf te, barhibole saap nishina. Itu pora khai dibo bhal saman khan ke aru Isor laga ashirbaad khan ke apuni laga jibon te.

Aji dhyan koribole laga pobitro kotha tu hoile 1 CORINTHIANS 13:12 “itya karone, ami khan sai aina te, dhunla, hoilebi titya chehra te chara. Itya ami jane bhag te, hoilebi titya ami janibo jinika ami ke janishe”.