Apr 25 – Ahram mahima te!

Psalm 37:4 khushi hobi nijor isor te bi, aru tai pora dibo puni laga mon laga icha khan ke.

Ekta dangor anondo ase mahima te kile koile isor tatethaka nimite. Isor thake apuni khan laga mahima majote. Aru tai diye khushi pora hi apuni khan ke apuni laga mon laga icha khan ke jitya apuni tai laga mahima kore aru taike sheva kore.

Ekbar ekta maiki bishi dukh te thakishe ekta pora ekta hoi thakishe. tai laga sob dukhk khan laga uporte, tai bishi measles ulai thakishe. aru istu maiki isor ke prathana kuribole shur hoishe isor ke ki kile tai iman dukh khan pai ase.

Isor pora taike khali tokri dikhaishe sapna te. “Aru koitha koi she taike: apuni laga muk te iku mahima napai, aru mon te bi sheva nai. itu kile koile apuni laga mon te dhonyabad hi nai, satan pora itu karone apuni laga jibon te iman dukh ane”. Tai laga galti khan jani kene, tai ghutna te ahi kene utu homoi te hi shuru korishe mahima kuribole aru gana kuribole isor ke.

Tai bhabna kurishe sob bhal khan jitu tai paishe isor pora , tai chutu thaka homoi pora. Aru bhabna kuirshe sob achurit khan isor laga pobitro kotha puri kene aru isor laga naam uncha kurihshe. Mahima tai laga mon pora ulaishe, jinika pani bhort hoi kene ulai, aru tai dhonyobad kuri kene isor laga sheva kurishe aru tai laga mon bhangi kene ulaishe. Itu pichete tai ghumai jaishe, najani kene jitya tai mahima kuri thakishe. aru jitya tai uthishe, tai bishi achurit hoishe tai laga gau te iku measles thakanai aru gau bi komjur nalaga hoishe. Ulta tai notun anondo pora hi bhorta hoishe, alag ekta tagot aru Shakti pora.

Pobitro kothate koi: “itu karone, taike ami khan narukhi kene ami khan laga mahima aru sheva dibole lage, itu hi ase ami khan laga mukh laga phal, taike dhonyobad diya tu. Hebrews 13:15. Apuni bi mon jai ke apuni laga mon aru ghor isor laga mahima aru achurit pora hi bhorta hobole? Apuni bi mon jai ke apuni laga bimar khan sob hati jabole, bhal hoi jabole aru ekta bhal gau thakibole? Mahima kuribi isor ke.

Mahima kora hi thik ase, aru itu hi sobse bhal ase. Pobitro kotha te koi: “anondo hobi isor te, oh hosa khan!kile koile mahima hosa thaka khan pora hi sundor ase!” psalm 33:1. Mahima pora hi ashirbad ane isor pora. Jitya apuni mahima kure, tai laga tagot por ahi apuni ke cholai. Psalm 84:4-7 “ashirbad ase tai khan ke jun apuni laga ghor te thake; tai khan pora apuni ke mahima kuribo. Oh ashirbad ase utu manu jun laga tagot apuni te ase. Jun khan laga mon apuni laga mondir te ase. Tai khan tagot uporte tagot jai; sob khan ulai zion laga isor laga agete.

Aji bhabna kuri bole laga pobitro kotha tu hoile psalm 107:9 kile koile tai pora bhorta kora mangi thaka atma ke, aru bhorta kore bhuk lagi thaka atma ke bhal pora.