Apr 24 – Sheva aru milithaka!

Psalm 22:3 hoilebi apuni pobitro ase, rajyo kure Israel laga mahima te.

Ki kore apuni jitya apuni mili bole mon jai aru eki logote bohibole mon jai apuni laga khandan khan logote jun khan dur te thake? Apuni tai khan ke chitthi likhibo, call kuribo aru apuni laga morom  tai khan ke dikhabo tai khan logote rishta bhal rakhibole nimite. Nahoile bi apuni khan call kuribo message kuribo apuni tai khan laga chinta kore kobole. Aru jitya tai khan apuni ke lok kuribo apuni bishi kushi hoi kene tai khan logote thake.

Inika hi, bishi tarika ase amikhan bi isor logote mili kene ami khan laga rishta tai logote tan rakhibole nimite. Apuni khan tai laga usorte jabole pare tai laga kotha pora juntu apuni khan karone tai laga morom laga chitthi ase. Utu verse khan bhorta ase jibon aru atma pora, aru isor laga kotha apuni karone rakhe.

Apuni laga prathana pora hi apuni tai logote mli bole paribo. Jitya apuni iki logote he ekta girja hisab te, isor laga bacha khan logote, apuni nijor laga rshta isor logote thaka tu majboot kore.

Sob laga uporte, jitya puni tai laga mahima aru sheva kure, apuni taike mitha pora mili bole paribo. Mahima aru sheva kora te sobse alag ki ase koile, isor nijor hi ahe tai khan laga majote, kile koile tai thake aru rajyo kore tai laga bacha khan lagga mahima te. Jitya apuni taike mahima kure aru tai laga sheva kure apuni khan mehsus kuri thakibo tai thaka laga aru anondo pabo. Utu hi homoi ase apuni dikhabole paribo apuni laga morom tai karone thaka tu. Itu kaeon jitya bi apuni tai laga sheva kure, bondh nakuribi jitya tok apuni taike mehsus nakore.

Isor hi ase jun apuni ke bonai she aru ahishe apuni kebisari kene. Tai hi ase jun kinishe apuni ke tai laga kimti khoon pora aru apuni ke bachaishe pap laga jibon pora. Aru tai hi ase jin apuni ke jibon laga matite rakhi ase. Pobitro kotha te koi: “mora khan mahima nakure isor ke, nahoilebi jun khan niche te jai chup hoi kene. Hoilebi ami khan mahima kuribo isor laga itu homoi pora aru hodai din karone. Psalm 115:17-18.

Itu isor laga dangor daya ase ki apuni tai laga nirmaan laga ekta bhag ase. Apuni laga mon saas loa bi isor laga khemai aru daya nimite hi ase. Kile koile apuni jinda ase tai laga mahima karone, kinika apuuni mahima nakuri kene aru sheva nakuri kene thakibole paribo, jun hi daya laga rasta ase?

Pobitro kotha te koi: “apuni dami ase, oh isor, pabole Gaurav aru sonman aru Shakti, kile koile apuni hi sob saman khan ke bonaishe, aru apuni laga icha pora hi taikhan ase aru boni she, revelations 4:11.

Aji  bhabna kuribole laga pobitro kotha tu hoile psalm 150:1 mahima isor ke! Mahima kuribi isor ke tai laga jagate; mahima kuribi tai ke aru tai laga tagot thaka mati ke