Apr 24 – KHEMAI KORA ALAG KHAN KE!

Ephesians 4:32 “aru hobi dayavan ekjon dusra jon ke, norom  mon thaki kene, khemai kora ekjon dusra jon ke, jinika Isor Krista khemai korishe apuni”.

Khemai kora dusra khan ke, ase chautha kisim laga khemai kora. Itu podh uporte, anurodh kore apuni ke khemai koribole alag khan ke jinika Krista khemai korishe apuni ke.

Kilekoile porivaar bhitor te, tate thakibo lage ekta atma khemai kora laga majete mota aru maiki laga. Jitya bacha khan kore golti, tita nahobi tai khan uporte, hoilebi kobi tai khan laga golti khan  ke aru dibi tai khan ke khemai.

Khali jitya apuni morom koribo aru khemai koribo ekdusra ke, tini hoile hi porivaar ahshirbaad hobo. Khali jitya ekta mota aru maiki eki logote khushi thake, itu ke koi porivaaar. Hoilebi suku te Isor laga, ekta porivaar hobo ahisrbaad jitya duita manu ahe iki logote, atma te khemai laga.

Tate tita thakibo pare, ahbiswas, samasya khan aru chunoti khan porivaar te. Hoilebi jitya a puni khemai kore ekjon dusra jon ke, aru paar kore golti khan ke jinika Krista khemai korishe apuni ke, titya  dangor samasya khan bi apuni jibon laga ini harai jabo. Pahar nishina samasya khan, bikhai diya kata khan dukh laga harai jabo. Isor Nijor hi raj koribo apuni laga jibon te, ekta Shanti laga Rajkumar nishhina.

Bishi maiki khan ase jun khan mohina bhor kotha nakore nijor laga mota ke ekta ghor te thaki kene. Bishi mota khan ase jun khan iman taan mon ase, jitya tai khan laga maiki khan lagatar khemai mangile bi.

Hoilebi porivaar khan Isor laga, inika vyabahar koribo nalage. Apuni khan gali kori kene bandhi bo lage atma ke satan laga jun ane gussa  ke.

Jitya apuni faisla kore pura mon di kene khemai koribole, titya apuni laga porivaar aru apuni laga mantralay ashirbaad hobo; apuni hi puhor hobo itu prithibi laga.

Apuni hobo thik khemai kora te, jitya sob charta kisim laga khmeai iki logote ahe; Isor laga khemai logote, khemai kora dusra ke, mani kene ki apuni ke bi khemia korishe apuni paap khan laga aru pura mon di kene khami koribo lage dusra khan ke.

Isor laga bacha khan, jitya apuni bhorta hoi khemai kore dusra  ke aru hosa mon pora khemai kora tai khan laga golti khan ke, titya apuni laga jibon bi bhorta hobo ekta achurit shanty pora aru achurit maujudgi pora Isor laga.

Aji dhyaan koribo lage pobitro kotha tu hoile 2 Chronicles 6:25 “titya hunibi swarg pora aru khemai koribi paap ke Apuni manu khan laga Isor laga,a ru anibi tai khan ke wapas mati te juntu Apuni dishe tai khan ke aru tai khan laga baba khan ke”.