Apr 24 – ARADHANAMA ARAAM

Geeder grandh 37:4 Yehovama anand paala, thar daller asana Vu puro karacha.

Aradhana karajema anand cha kasenkatho voma Dever prasannatha rachajethi. Vo aradhanama Devaj aan vasacha. Kanna thu Deven stuthi aradhana karechiko jana thar daller asana Vu puro karacha.

Yek bai vor jeevanema masaj thara velar laar vela aarithi .Ajji vor jeeveper gadda gadda vutan velama vethi jana vu bai ma Athra jada velama ,rogema ann daridrama kankren jarichu kan godi valan rothani prarthana karer shuru kidi.

Vu arajen samalan Dev yek taal chajako bakiten dekalan hanu ko , ‘ bai thar hotepar arinako arajema stuthi cheni ann aradhana cheniju taal chajethi sathanaj thar jeevanema yee velan laan melmelocha. Yee vathen samalan vu bai vor mandpanen valaklen jannaj godi valan abbethanu vor jeevanema Prabhu kidojako sey hachpanen herdelalen ,Dever vathema chajako soganer vathen dhyan karan Deven mahima kidi.Vu vagathemaj khalya thutan pani avaju vor thutarijako dallemathi sukharijakk athmamathi stuthi aradhana ayee. Hanuj vu bai stuthi karthi karthi von malam chenijummaj sogi. Parabhathi vutan dekitho vo bayir jeeveper yek phodathani dikayikoni ajji jada anandan khushi ann navvo joren paldi.

Hebrivalun 13:15 vachanema , Jethi ,Vor namena stuthi karer hoter phal stothramer bhokanena ,vothi herghadi Devena chadama. Thar katmalo ann jeevano Dever Mahimathi bharavnu kelerechoka? Christhu Yesur mahimar aishwaryama thar heryek avasarana pheetnu kelerecheka? Atho aradhana karo.

Geeder grandh 33:1 Vachan kacha Niyathedhar tham Yehovama anand karo,stuthi karer saspanena chajacha. Vuj Geeder grandh 84:4-7 Thar gharema vasseval nasheebdhar ,vo herghadi thona stuthi karacha. Tharmayi jor payeval manikyan,vunder dallema Siyon dadiyana vat karleval nasheebdhar .

Vo bakar kholama jaan ,vona panir jhuri kaacha agadiya padojako pani vona buracha.

Vo dadi dadi jorepar jor palen payanam karacha,vundema heryek Siyoner Dever sannidhima dakavacha.

Ajji jada dyan karen pado Geeder grandh 107:9 Vor karunar vadin ,manikyan vu karajako acham kalar kamer vadi vona daller stuthi kareda.