Apr 23 – NUNGSHIBA AMADI KHURUMBA!

“eigi thawai asina Prabhugi ningnasang adu nungshiduna chokthare. Eigi hakchang thawai asi Prabhu nungshiduna kaptuna leire.  ” (Psalm 84:2)

Khurumnabagi damakta khwaidagi maru oiba adu nungshiba asini. Iswarbu tasengna nunghijaba mi aduna Iswarbu hakchang thawai amadi panggal apumba yaona khurumgani. Mahakna Iswarbu khudingmaktagi nungshi haiba adu mahakki khurumba aduda utthokkani.

Nahakna nahakki nungshiba asi tongan tonganba lambida utthokpani. Nahakna angang amabu uba matamda nahakna thanggattuna, mahakki lai natraga khayaida chuppi aduga mahakka sannaduna lei. Nahakki marup singga unaba matamdasu nahakna makhoibu khut soknabiduna nungshiba utli. Iswargi manaising bu unaba matamda nahakna khut lonnaraga makhobu ikaikhumnaba utli. Nahakki nathak thongba official sing unaba matamda nahakna makhoibu ikaikhumnaba utli. Nahakki mari matasing unaba matmdasu makhoibu nungshibagi khudam utli.

Adubu nahakna Iswarbu nungshi haibasu karamna utthokpage haiba wakhal toubiyu. Nahakki mitna mahakpu ubasu ngamde,aduga mahakpu khutsoktuna salam touba yade.  Mahakpu nungshi haibadu nahakki thagatpa amadi khurumbagi mapanna utthopa ngammi. Sastrana hai, “mahakpu khurumliba mi aduna achumba amadi thawaida khurumgadabani..” (John 4:24).

Davidna Iswarbu marang kaina nungshikhi. Aduna mahakki laisol esei khudingmaktu thagatpagi esei oirami. Mahakna  Iswar khak natana mahakki ningnasang adusu nungshikhi. Madu Iswar khurumphamni.Psalms 26:8na asumna hairammi, “O Prabhuna nahakna leiriba mapham asi eina nungshi,aduga nahakki matik mangalna leitapham asi su nungshi.”.

Iswargi machasing, Prabhubu nahakki thawai, hakchang amadi panggal apumbada nungshiyu. Nahakna madu touba matamda Iswarbu khurumbadagi nahak keidoungeidasu lapthokpa ngamlaroi. Iswarbu nunghijaba mising khaktana mahakki loinabiba adu thijabani, maramdi makhoina nungshijaba adumak mahakpu matik charibani.

Dhyan tougadaba, “nahakki ningnasangda nongma leijabasi atoppa maphamda lising lising leibadagi henna phei. Phataba gi yumda leibagi sarukpudi eigi Iswargi yumda thong ngakpa oina leiba pamjei.” (Psalm 84:10)