Apr 23 – MOROM KORIBI AMA BABA KE!

(Ephesians 6:2-3) “Sonman koribi apuni laga ama baba ke ,” juntu ase poila adesh pratigya logote:   “ki itu bhal hobo apuni logote aru apuni jiyabo lamba prithibi te

Morom koribi apuni laga ama baba ke. Manibi kotha aru sonman koribi tai khan ke. Pobitro kotha te koi, “sonman korini apuni laga ama baba ke, jinika Isor apuni laga Pormeshwor pora adesh dishe apuni ke, ki apuni laga din khan hobo lamba,baru ki itu bhal hobo apuni logote mati te juntu Isor Apuni laga Pormeshwor di ase apuni ke”  (Deuteronomy 5:16, Exodus 20:12).

Kunbi bhorta koribo naparibo jaga ke apuni ama baba laga. Tate iku morom nai ji tu milabo paribo apuni laga ama baba laga morom logote. Jitya apuni ekta shishu thakishe, jitya apuni kotha koa shuru hoanai, kiman Bishi rakhi nagumai kene apuni laga ama paar korishe apuni ke sabole aru thik rakhibole? Kiman taan pora apuni laga baba kaam korishe pare dibole apuni ke apuni laga dorkar khan ke aru porha likha koribole apuni je? Kiman dorkari ase itu sonman koribole inika ama baba ke! Apuni hodai janibo lage rasta khan ke tai khan ke Khushi koribole. Apuni khan kitya bi tai khan ke paar kori jabo nalage tita ke rakhi kene tai khan mon te apuni khilaf te, kile koile itu pora anibo dangor shrap apuni te.

Pobitro kotha te koi, “ kintu Isor pora adesh dishe koi kene, ‘sonman koribi baba aru ama ke’; aru ‘tai Jun shrap diye baba ke aru ama ke, dhalibole dibi tai ke mrityu te’  ” (Matthew 15:4).  “sonman koribi apuni laga baba aru apuni laga ama ke’, aru ‘apuni morom koribo lage apuni laga Isor Manu ke nijor nishina’”(Matthew 19:19)

Jitya apuni morom kore apuni laga ama baba ke,vtai khan ashirvaad koribo apuni ke Tai khan laga mon pora. Aru utu ashirvaad anibo anondo ke aru khara koribo apuni ke Shanti te.

Tate ase iman Bishi, Jun mana kore dhyan rakhibole tai khan laga bura ama baba ke aru dakhil kore tai khan ke old age home khannte. Tate ase dusra khan Jun khan bukha rakhe tai khan laga ama baba ke hoilebi diye muft khana dusra khan ke. Inika manunkhan thakishe Jisu laga homoi te bi. Jisu saishe utu hypocrite khan ke aru koishe, “apuni bonaishe adesh ke Isor laga iku kaam nathaka apuni laga niom te” (Matthew 15:6).

Jitya bachan khan morom kore Isor ke, tainkhan morom koribo aru manibo tai khan laga ama baba ke bi.  “bacha khan, manibi apuni laga ama baba ke Isor te, kilekoile itu ase thik.  “sonman koribi apuni baba ama ke,” juntu ase poila adesh pratigya logote: “ki itu hobo bhal apuni logote aru apuni jiyabo lamba prithibi te” (Ephesians 6:1-3).

Judi apuni bisare milap ke apuni laga suwali aru lora nimite, ama baba khan prathana koribo lage mili kene bacha khan logote aru faisla koribo lage icha hisab te Isor laga juntu Isor ke Khushi kore. Aru shadi jibon bacha khan laga hobo bhal ashirvaad.

Esau, lora ami khan bura baba Isaac laga loishe maiki khan ke hittites laga suwali khan ke, arubTai khan thakishe dukh mon te Isaac aru Rebekah laga. (Genesis 26:34-35).  Bacha khan Isor laga, apuni hodai anibo lage Khushi apuni ama baba ke.

Aji dhyan koribole laga Pobitro kotha tu hoile (Exodus 20:12) “ sonman koribi apuni laga baba ama ke, ki apuni laga din khan hobo lamba mati te juntu Isor Apuni laga Pormeshwor pora di ase apuni ke.”