Apr 23 – Morom aru sheva!

Psalm 84:2 ami laga atma bisare, hoi, prabhu laga adalat nimite behosh hoi; ami laga mon aru atma kande jinda isor ke.

Morom tu bishi zaroori ase saman ase sheva kura laga. Jun khan bi bishi morom pora bhorta ase isor karone, tai pora hosabi isor ke sheva kuribo, tai laga pura mon di kene, aru tai laga pura tagot aru atma di kene. Tai pora pura kuribo isor laga morom ke tai laga sheva logote.

Apuni pora dikhai apuni khan laga morom alag alag tarikea pora. Jitya apuni ekta bacha ke dikhi pai, apuni pora taike morom pora uthai, apuni tai logote hath milai, aru apuni laga morom hasi kene dikhai. Isor laga manu khan ke dikhi kene, apuni hatha juri kene tai khan ke sonman diye. Jitya apuni dangor officer khan ke dikhe, apuni tai khanke salam jonai kene sonman diye. Aru apuni swagat kure apuni laga khandan khan ke, thik pora.

Hoilebi bhabna kuribi kinika apuni morom dikhai isor ke apuni laga mon laga. Apuni tai keg au laga suku pora dihibo napare, tai ke salam najonai aru apuni laga hath nadiye milabole, jinika apuni duniya laga manu logote kure. Apuni khan tai ke apuni laga morom mahima aru sheva pora hi dikhai. Pobitro kotha te koi: john 4:24 isor atma ase, aru jun khan tai ke sheva kure kuribo lage atma aru hos ate.

David tu isor laga morom pora hi bhorta thakishe. itu karone tai laga sob psalms khan hymns ase mahima laga. Tai khali isor ke morom kura nahoi hoile isor laga mondir ke bi bishi morom kure-jaga jote isor ke shev akure. Psalm 26:8 te koi: “isor, ami morom kurishe apuni thaka laga jaga ke aru jaga jote apuni laga Gaurav thake.”

Iso rlaga bacha khan, isor ke morom kuribi apuni laga pura mon di kene, apuni laga pura tagot di kene aru atma. Jitya apuni itu kore, apuni kitya bi isor ke sheva nakuri kene thakibole naparibo. Khali jun khan morom kure, bisare isor thaka laga jun hi haqdar ase tai khan laga morom aru sheva laga.

Aji bhabna kuribole laga pobitro koth atu hoile psalm 84:10 kilekoile ek din apuni laga adalat te thaka tu hazar din khan pora bhal ase. Ami ekta chaukidar hobo isor laga ghor te, biya manu khan majote thaka pora.