Apr 22 – Gamangtungan amangban kenba do Senkendraba!

“Amben Gamangtungan amangban kenba do Anin ahiman senkendraba; Anin d’ong-len ablulalen, gamle di dinnan amben bangsa anoblengan opungba” (Sanenken 96:2).

Kitunglen sattang ahangben tungnadam sanensenan do anabsittan. Aninna d’onglen tanimyiman batte gardilai, Anin yirai d’onglen asaiben asan tanimyiman batte. Angan anlen abgugutabe, senkendratabe do kanznkznan batte absittatabe, a tanurdun do apanemengan manglenle yirtai.

Lucifer, butente Kitungan a d’ong abgugule dakule, anindaman asenkendraben abmele saile. Kun asan, a d’ongan ruangan saring sanidan dele do anin sunuman gadile. Do nami janang, anin abs’idben abmele saite mandrengnalen.

Nami dangardalenji tabme kanenkenanji batte kanurkuran deteji do er galamlabe aninji kun inemakin-lingan sandungteji. Anin ateng mandranji a d’ong cinema kznan batte do oailoge guteji, do tongsengtenji, kun a kaninan batte. Ateng kaninanji batte er manaridan pangtai do sunuman a d’ong abpemengte. Ateng mandranji kun ambrij lumteji. Aninji karidateji Kitungan a d’ong butente a d’onganji Timyimte. Aninji adgalamaji banidsaramaran butten do aninji banidsaraban tanangteji. Bibolan gamte: “kuddubanji a d’ong a bitsaraben, bar kuddub Kitung er gangkil maranii a d’ong a Kitung er gangkildage a Iumlenji a Kjtung er gangkil baran abmele, do Anin asanggem lingan a opungleji a Kitung er gangkj] pintu maranji a kuddub dardaberan abmele abdusaben asan yerraiji” (Juda 1:15).

Aten asan, Tanahimdam Kitungan a onagji, anlen nami atanakudban ardulaibe, asenben dete, senle do absittaben dete ahiman do Kitungan abmele oskainaben dete. Anin Kitungdage araitihngan daku do abguguben abmele. Dile tagaldan, atiyj’etinben adnang, kznle m’oihnaben dete.

Jajingate a kznkznanji ayireten amihnum-lingan saring, jinjin murdadaman a kinkin agabdileji ate Kristu mandrengna-lingan Kitungan a d’ong timyimle. Aninji kun a kaninan batte Kitungan a panemengan pangtai j’e-linlen. Kitungan abdainale ateng raiding-maranji do kinkinan agabdiltenji amandranji, do kun ajar ajar kinkinan batte ateng mandranji a d’ong gadlamte. Do Hen Kitungan a d’ong sentai asuyeman asan. Tanahimdam Kitungan a onagji, amben janang abguguba kinkinan batte a d’ongan. Do oskaile bo bigarda dinna abmele Kitungan amangba yiraiba.

Okiy Kinolbe absele: “Bar GAMANGtungan saring tanandzn hangten a mandranji kanenkenan kenle Sionban daiyarre yertaiji; tarda ayaman a man’oihan ranubbobge aninji a b’ob lingan dakute; aninji man’oihan do anerdikan hangteji, danukkan do ruyemnan sangai yerre szdteji” (Jisaiya 35:10).