Apr 20 – Satan- dushman mahim laga!

1 john 3:8 kilekoile satan pora shuru pora hi pap kurishe. Itu karone, chokra isor laga ahishe , kile koile tai pora hi khotom kuribo kam khan devil laga.

Satan hi  sobse biya dushman ase isor ke mahima kura laga, kile koile satan thakibole napare  jote isor ke mahima kuri thake. Isor hi ahi jai mahima te utu jagate jote taike mahima kure. Toh satan polabole  hi lagi jai utu jaga pora. Itu kaorne, mahima aru sheva kura isor ke, itu hi sob se asan tarike ase satan ke khdabole.

Itu dikhabole, ami khan bhabna kuribo ki ekta bishi zaroori manu politics  laga apuni laga ghorte aru apuni logote kjotha kure jitu apuni ke bhal nalage. Aru itya apuni utu manu ke muk te kobole napare jabi koi kene. Hoilebia puni ki kuribole pare, koile apuni tai laga khilaf te khara kora party laga bhal kobo lage. Taike kobi ki utu party tu bishi bhal ase aru kun bi inika nai. Judi apuni inika kore, tai chupchap pora hi apuni laga ghor pora ulai jabo aru kitya bi nahibo.

Ami khan bi itu hi kore satan ke khedabole. Satan bi sheva kora laga group te thakishe swarg te, aru tai swarg laga mahima ke jane. Holebi jitya tai ghamand pora bhorta hoishe aru swarg pora girai dishe, tai khan isor laga dushman hua nahoi hoilebi tai mahima laga dushman hoi jaishe, dhonyobad aru isor ke sonman kora uporte. Mahima kura isor ke hi ekta tarika ase satan ke khedabole.

Tagot thaka isor laga naukar Richard umbrandth, junk e roman laga jail te dukh dishe bishi saal karone, ekbar inika koishe: “jitya ami khan bandhi hoi kene thakishe bishi sal karone, ami khan mahina ja ke bi najana hoishe, nahoilebi din aru Tarik ke. Sob din hi dukh laga din thakishe. aru jail laga sipahi khan bi bhat logote drugs milai kene diye, ami khan ke mahima nakuribole nimite. Ami khan sob Nisha te hi thake, ki ami khan hawaa te uri thaka nishina. Hoilebi hapta laga ekta din te amikhan sob bi kobole napara laga anondo thake. Ami khan laga mon anondo te thake aru ami khan sob bi bishi tagot icha isor ke mahima kuribole laga icha pora bbhorta hoi. Aru ami khan jani jai ki itu din Sunday  hi ase. Kile koile sob Christian khan utu laga din te mahima kuri thake aru prathana kuri thake, aru itu pora hi ami khan anondo pai. Aru utu laga din te dushman laga Shakti khotom hoi”.

Isor laga bacha khan, jitya apuni mahima kuri thake isor ke, itu laga matlab apuni khan satan laga tagot khan ke chipai ase apuni laga theng pora apuni najani kene bi hoi. Jitya puni mahima kore isor ke, isor pora hi satan ke apuni laga theng te chipi bole dibo.

Aji bhabna kuribole laga pobithro koth atu hoile psalm 8:2 chutu duth khai thaka bacha khan laga mukh pora apuni tagot paishe kile koile apuni laga dushman khan ke apuni pora chup kura bo aru badla loa khan ke.