Apr 20 – KHEMAI KORIBI ARU DIBI APUNI LAGA BHAL!

Genesis 45:10 “apuni khan thakibo mati te Goshen, aru apuni thakibo usor ami laga, apuni aru apuni laga bacha khan laga, apuni laga bachakhan laga bacha khan, apuni laga jontu janwar khan, aru sob ji apuni logote ase”.

Ekta manu ke khemai kora pichete,apuni anondo  te dibole lage ki apuni dibole pare utu manu ke. Joseph, jun logote itu achurit adot thakishe khemai kora laga, korishe inika hi tai laga bhai khan logote junk e tai khemai korishe. Tai paishe Goshen ke: sobse bhal Egypt laga – mati bishi pani thaka laga jaga pharaoh pora aru tai laga bhai khan pora.

Judi bi pura manu jati paap korishe Tai laga khilaf te, Baba Isor Tai laga morom te, khemai korishe aru phekaishe pichete aru dishe uphar manu jati ke, pothai kene Tai laga ekta Putro Jisu ke itu prithibi te. “kilekoile Isor iman morom korishe ki Tai dishe Tai laga matro ekta Putro, ki jun bi biswas koribo tai te napuchibo hoilebi thakibo hodai din laga jibon ke” (John 3:16).

Isor Jisu bi dishe ami khan ke Tai laga sobse bhal uphar ke Tai lagamorom laga, Tai laga day laga aru khemai ami khan laga paap laga. Tai dhalishe akhri boondh bi khun laga Calvary te; aru dishe Tai laga gau ke phatabole nimite. Aru jitya Tai uthishe mora pora aru jaishe swarg te, Tai dishe ekta dangor uphar Pobitro Atma ke aru thakishe ami khan te. Aru icha korishe dibole sob kisim laga phal aru uphar khan ke Pobitro Atma laga.

Judi apuni logote ase mon Krista laga, apuni bi khali khemai logote rukhibo nalage. Hoilebi apuni dibo lage apuni laga bhal ke sobse biya dushman logote. Judi tai khan nathake bishi poisa ke kitab porhai dibole nahoilebi shadi korai dibole tai khan laga bacha khan ke, apuni khan hath dibole lage modot laga tai khan ke aru shikhabole lage tai khan ke. Itu pora khushi koribo monk e Isor laga; aru apuni ke matibo bacha khan swargyo Baba laga.

Pobitro kotha te koi: “hoilebi ami apuni ke koi ase, morom koribi apuni laga dushman khan ke, ashirbaad koribo jun khan apuni ke shrap diye, bhal koribi jun khan apuni ke ghrin kore,a ru prathana koribi tai khan karone jun khan biya kotha koi apuni ke nindabole, ki apuni ase bacha khan apuni Baba laga  swarg te; kilekoile Tai bonai Tai laga suraj ke uthibole bhal aru biya khan te bi, aru pothai borokhun ke nyay aru anyay te bi” (Matthew 5:44-45).

Isor sai apuni uporte ekta khas koi kene. Apuni itu prithibi laga nahoi; hoilebi apuni ke dhulaishe Calvary laga morom logote aru khun pora Jisu laga. Ekta bodlav ase apuni laga mon laga Pobitro  Atma dwara. Isor di ase apuni ke ekta notun mon aji. Hobole dibi utu notun monk e juntu khemai kore aru morom kore apuni laga dushman khan ke aru jun prathana kore apuni laga atyacharak khan karone.

Aji dhyan koribole laga pobitro kotha tu hoile Philippians 3:13-14 “hoilebi ekta kaam Ami kore, pahori jai utu saman khan juntu piche ase aru pungche agete utu saman khan te jun tu agete ase, ami kuchis kore agete manzil phine inam pabole upor pora mata te Isor pora Krista Jisu te”.