Apr 20 – DHUL ARU CHAY !

(Genesis 18:27) “Hosate itya, ami Jun ase dhul aru chay loishe itu nijor te kobole Isor ke”.

Aki Khan bhorta hoi achurit pora sabole nomrota ke ami khan laga bura baba Abraham laga. Tai pura nomro kore nijor ke agete Isor laga aru koi, “hosa te ami ase hoilebi dhul aru chay”. Tai nomro kore nijor ke dhul aru chay te agete Isor laga.

‘chay’ dikhai nomrota ke aru mulya nathaka Abraham laga.   Tate iku mulya nai chay laga; itu Khali joli ja laga saman khan laga chay ase.   Nijor ke tulna kori kene chay te, Abraham nomro kore nijor ke agete Isor laga; uthai Isor ke uncha te, aru arpan kore nijor ke ekta naukar koi kene  Isor laga.

Tate Bishi ginti khan ase ashirvaad laga nomrota te. Pobitro kotha koi ki Isor uthai diye nomro khan ke. Ki apuni bi barhibole min nai jibon te? Aru pabole uncha adhikaar khan ke? Tini hoile apuninnomro koribo lage nijor ke Nazar te Isor laga, aru nakoribo lage kitya bi ghamand.

Chela Paul thakishe naukar Isor laga, arubsib tai laga epistle khan te ase labhdaik salha khan aminkhan laga atmakarik jibon karone. Hoilebi tai nomro kore nijor ke aru koi, ‘ami dangor ase sob paapi khan majete’ (1 Timothy 1:15).  Tai Khali nijor ke nomro kora nahoi, hoilebi sikhaishe sob biswasi khan ke hobole nomro Nazar te Isor laga.

Tai salha diye biswasi khan ke aru koishe, “kintu Ami koi, anugraha dwara juntu ami ke dishe, aru sob ke Jun ase apuni majete, bhabna nakoribi nijor ke sobse uncha tai bhabna nokoribole laga, hoilebi bhabna koribi nomro pora, jinika Isor pora saishe sob Jon ke ekta ginti te biswas laga”  (Romans 12:3).

Ami khan laga Isor Jisu sikhaishe nomrota ke sob Tai laga chela khan ke. Tai koishe, “toh jitya apuninkorishe sob utu saman khan ke juntu adesh dishe, koi, ‘ami khan ase labh nathaka naukar khan. Ami khan korishe ki ase ami khan laga kaam koribole”  (Luke 17:10).

Christian jibon shuru hobo lage nomrota logote; kilekoile ekta Manu ke lage nomrota pachtava koribole aru ghuribole Isor te. Khali Judi tai ke ase nomrota, tai manibo paapi jibon ke. Khali tini hoile, tai kandibo paribo tita pora sob tai laga paap khan karone aru saiKrus te aru kore prathana Isor laga Daya nimite.

Sabi kinika job ke Jun kandi kene koi, “ itu karone ami phelai nijor ke, aru pachtava kore dhul aru chay te.” Tai bohishe chay te aru dhale tai laga dukh ke Isor te. Aru kilekoile itu karone, Isor bodlishe tai laga faisla ke, aru dishe dubara sob juntu tai harishe aru ashirvaad korishe duiguna.

Bacha khan Isor laga, sikhubi nomro hobole.

Aji dhyan koribole laga Pobitro kotha tu hoile (Psalm 138:6) “judi Isor ase uncha te, hoilebi Tai Mane niche khan ke, hoilebi ghamandi khan ke Tai Jane sir pora hi.”