Apr 19 – STUTHIN VAIRY CHINTHA

Romavalun 1:21 Vu Deven malamkaran ,vona Dev kan mahima kareniju ,stuthi kareniju,vunder sosethi kamdeniju vegey ,soyi chenijako vunder dall andharo vego.

Dever akkalethi Dever bepta stuthi karnujako chonaken vunder dubara vegijako paristithin dekan stuthi karen harjarecha. Vo vunder mando sosethi halvejavukarach. Vunder dall andhrethi bharamlacha. Masaj vothidithin kaklothithi vunder dall bhararich jethi vo sammor araj kareni. Chitha karero yek gorirnai rogesarik racha.

Yeklo budo admi bhari chajako yek bhothkan palden  vor vatema chaler hathayeniju jarotho. Von dekan Dever soja von sopthi karnu kan buden thu padmelojako bhothkama kai cha  kan puchotho vu budo hanu ko, yee bhothka kaller chithathi ann savvarer dhakethi bhararicha.

Vo bhothkan Dever soja kaadan dittotho sasij voma kai vethikoni. Jana Soja ‘ Kaal kannako dagargich,savaar aaji ayeval cha. Abba thu kai karnu katho , thu ajesaru Deven stuthi karastho, savaarer kaklothi thar dallen daabeni, kan vor vaten meldino.

Mathai 6:25,34  vachanema kacha, Jethi kai khama,kai peema kan thamar jeevaner vadin, kai perakan thamar jeevadar vadi hayi math karo kan thamena kerochu ,khanethin janan, lathathin jeevada sreshta konika?

Asmaner pankarevun deko ,vo boyenin kateni kodadima golakaran meleni,athoi vundeni thamar swarger Baap palrocha, vundethin tham jada srestven cho kunika?

Yekvela chintha rogernai thon palan karrich katho davar nai kamkarajako Dever stuthi karan Vo Prabhuma anand pavatho kathra hacho kunika? Hanu Deven stuthi karastho thar rogdokhsey dagarjan banchero daad jada vacha. Jethij thar puro dallethi ,jorethin ann puro mannethi Deven stuthi karer seekla. Jana Dever prasannatha thar gheran racha. Yesu Prabhur pakodama thon arogya cha.

Ajji jada dhyan karen pado Geeder grandh 16:11 Thu manna jeever vaten malam kidochi ,Thar anganema bharpur khushi cha,thar jaman hathema shaswith anand cha.