Apr 19 – PRATHANA TE!

Acts 6:4 “hoilebi ami khan dibo nijor ke nirantar prathana te aru mantralay te Pobitro kotha laga”!

Prathana ase bishi dorkari. Naphelabi iku sonari homoi prathana laga, kaam khan te. Apuni khan bachabole pare apuni laga atma ke pobitrota te, apuni prathana kora tok. Prathana dwara, apuni khotom koribole paribo Shakti ke satan laga; aru apuni dhuribo apuni laga matha ke uncha jit te. Prathana ekla pora raksha koribo pare ami khan ke satan pora.

Bishi samasya khan thakishe tate aghe laga girja khan te, jitya biswasi khan ginti barhaishe. Greek khan shikayat kore tai khan laga vidvah khan ke bhal pora dhyan nakore koi kene. Anania aru sapphire misa koishe Pobitro Atma ke, lukai kene ekta bhag ke loi ja  laga jitya bikaishe tai khan laga saman khan ke. Aru dusra phine, tate thakishe biya porikha Jews khan dwara aru roman sorkar khan pora. Itu sob porikha khan te bi, Chela Peter laga dhyan tera honai hoilebi thakishe sthir. Tai koishe, “hoilebi ami khan dibo nijor ke  nirantar prathana te aru mantralay te pobitro kotha laga” (Acts 6:4)

Hoi, chela khan jane ki prathana toh naphelabole laga thakishe tai khan laga mantralay te. Apuni bi janibo lage kimat ke aru Shakti ke prathana laga. Homoi phelai diya prathana te ghutna te, ase homoi khuli diya dangor aru mahaan saman khan Isor karone. Prathana ase khali  ekta rasta jit laga.

John Wesley sahas pora koishe, “dibi ami ke sau ta pracharak khan jun khan bhoi nakore iku hoilebi paap ke. Khali tai khan hi hilabole pare dorja ke narak. Aru khali tai khan khara korabole pare rajyo ke swarg laga prithibi te. Isor pora hosabi jawab diye prathana khan ke Tai bacha khan laga; aru nakore kaam Tai nijor pora”.

Satan anibo pare bishi saman khan ke bonabole apuni ke bhagorai, hatai rakhibole apuni ke prathana pora. Akha nathaka bhabna khan jinika, “ami laga mota nabuje ami ke; aru koi ami ke taan kotha. Kinika ami prathana koribo?” nahoilebi apuni harai lobo pare atmabiswas aru kooi, “ami laga maiki ami ke Biswas nnokore; aru tai ami ke shankha kore sob homoi te. Iman saal sadi hoa pichete bi tate iku kkhushi nai. Toh, ki kaam ase prathana laga?”

Judibi andhera gherav kore apuni laga mon ke aru hatai rakhe apuni ke prathana pora, apuni mati thakibo lage sobse uncha naam ke Isor Jisu laga. Khali itu pora anibo maujudgi ke isor laga a puni te.

Bacha khan isor laga, Arpan koribi taan prathana te, jitya apuni pai taan prathana koribole, kilkeoile andhera pora ji hatai rakhe apuni ke prathana kora pora. Prathana koribi bhagor nahoi kene; aru prathana koribi narukkhi kene. Aru isor pora koribo mahaan chamatkaar apuni laga jibon te.

Aji dhyan koribole laga pobitro kotha tu hoile Isaiah 40:29,31 “tai diye Shakti komjur ke, aru tai khan ke jun ke nai tagot Tai barhai tagot ke. Hoilebi jun khan rokhe Isor te notun kore  tai khan laga tagot ke; tai khan ucha uthibo pakhi logote siloni laga, tai khan polabo aru nahobo bhagor, tai khan berabo aru behosh nahobo”.