Apr 19 – KHEMAI ARU BUJA PORMESHWAR KE!

Genesis 40:8 “ki drishti koa Isor laga nahoi? Itu khan ami ke kobi”.

Jun khan khemai kora laga adot thake, hodai hi bhorta hobo buja logote Isor laga kotha ke. Tai khan rakhi dibo sob tai khan laga bhar khan ke Isor uporte aru himmot pora ghoshna koribo lage, “kile ami dukh hobo nahoilebi bhoi koribo, jitya Isor ami laga dhyan rakhe. Tai jane kinika ami loi: jitya Tai ami laga porikha loishe,ami ulai ahishe ekta sona nishina”.

*Tinta kisim laga buja. Poila ase itu buja Isor laga ki Isor ke maje. Dusra, swarthapar nahoilebi atmakendrik. Aru tisra tu hoile ase thakibole jibon te nijor laga icha, nahoilebi jiyai ekta janwar nishina. Aji, bishi khan ase jun khan loi jai iku khayal nakori kene, khai aru kore ki tai khan laga dimag pora koi.

Hoilebi joseph tu hoidai hi Isor ke maje te rakha thake. Jitya duijon kalkotri te dukh pai kilekoile tai laga sapna, Joseph koi tai khan ke Isor ke aru koi, “ki drishti tu Isor laga nahoi? (Genesis 40:8).*

Inika hi, jitya pharaoh ekta sapna dikhishe aru matishe Joseph ke, tai jawab dishe Pharoah ke koi kene, “itu ami nahoi de; Isor pora dibo Pharoah  ke ekta jawab dibo shanty laga” (Genesis41:16).

*Jun khan Isor ke mejete rakhe sai bhal ke Isor laga, judi bi tai khan jai bishi samasya pora. Tai khan mehsus koribo Isor ke khara kori thaka tai khan laga kinar te. Tai khan jaga nadie tita khan ke aru phelai gunh khemai laga.

Joseph saishe tai laga bhai khan ke jun khan phelaishe gadha te, aru koishe: “hoilebi apuni karone, apuni korishe biya ami laga khilafte; hoilebi korishe itu bhal karone, kilekoile aji laga din dikhibole, bachabole bishi manu khan ke jinda rakhibole” (Genesis 50:20).*

Isor tu ekta uddesh ase apuni laga sob bhag te apuni laga jibon te. Tai tu icha kore apuni ke bhabna kori ke. Itu uddesh ase uncha kori diya apuni laga naam ke aru rakhe apuni ke uncha kora aru sonmaan, ki Isor pora diye dukh khan apuni laga jibon te.

Isor laga bacha jitya apuni jai ekta dukh laga homoi te, biswas koribi ki Isor pora dishe inika poristhiti apuni laga bhal karone. Utu bhabna logote, seva koribi aru mahima koribi Tai ke. Hodai din bhabna koribi itu podh te ji koi: “aru ami khan jane ki sob saman khan kaam kore eki logote bhal karone tai khan ke jun khan morom kore Isor, jun khan ke mate Tai laga kaam aru uddesh te” (Romans 8:28).

Aji dhyan koribole laga pobitro kotha tu hoile Jeremiah 50:20 “utu din khan te aru utu homoi,” koi Isor ke, “paap khan pora Israel ke sabo, hoilebi tate iku bi nathakibo; aru paap khan Judah laga, hoilbe tai khan ke napai; hoilebi Ami khemai kore kun khan ke Ami bachai”.