Apr 17 – NAHAKNA KOKPIRABRA?

“ nakhoina kanagumba mi amabu karigumba maram amagi damak ngakpirabadi, einasu ngakpi, maramdi eina ngakpi,maramdi eina kanagumbabu ngakpigadaba maram leirabadi, eina ngakpikhraba adu nakhoigi maram gi damak Christagi mangda eina ngakpire.” (2 Corinthians 2:10).

Eikhiogi kokpiba gi matangda Jsoephki punshidagi tamjaba adudi eikhoina kokpiraba mi yamna nakna loinaba haibasi thamgadabani. Nahakna kanagumba mi amabu tasengna kokpirabadi hanna dagi henna achetpa loinaminnaba asi thamgadabani. Aduga Iswrdagi makhiona kokpiba haibadu phangnaba mateng panggadabani.

Josephna machin manao singbu mahakki manakta nungshibaga loinana changlaknaba kourammi. (Genesis 45:4) makhoigi maranna maram oiduna makhoina naksinningdrabasu Josephnadi makhoibu mahakki nakta kousillammi.

Mahakna mapadasu asumna pao tharammi, “ nahakna Gosengi lamda leigani.nahak amasung nahakki nachasing, nahakki nasusing, nahakki hemeng yao sanggusing,nahakki salupsing amasung nahakki leijariba pumnamak eiga naknana leiragani.” (Genesis 45:10).

Kanagumba mi khrana asumna haibasi eikhoina tai, “ eina eigi ichin inao asi kokpire. Adubu eina mangondagi khara lapthokke,aduga mahakka nakna leiminnabasi aphaba nate. Masi thamoi sengna kokpiba koude. Eikhoigi Prabhu Jesu Chrsita adu swagadagi taibangda lakkhibani, madu mahakna eikhoina nakna loinaba ngamnabani.

Jesuna pappisingbu keidoungeidasu lapna thamkhide,adubu makhoibu nungshibaga yamna nakna loinabirammi. Mahakna pappi amadi khajana toubasingga chak chaminnarammi. Makhoigi punshi maong matou natraga papki thabak yengdaduna makhoibu chap manana nungshirammi.

Imung mayam asi imunggi potchei lanthum yennabagi matangda tokhai tokhai tanaba thok li. Makhoi adu madugi maram oiduna akhaba mari leiduna yamna thina lapthoknabagi thoudoksu lei. Nahakki thamoida kanagumba amagi maramda tukkachaba khajiktang thamlabasu nahakna lomba naidaba mapham youba matamda yamna achouba pap oina singthagani. Inakkhunba nipa aduna Lazarus adubu yamna lapna thamlammi,aduga maduna makhoi anigi marakta achouba kom amana khaidoknare.

Nahakna taibangsida kari karamba maong matou natraga gun utthokpasina nahakki tunggi lomba naidaba maphamda nahakna kari oirakkani haibasi sak takpani. Abrahamna inak khunba nipa aduda asumna hairammi, “ pumnamak asigi mathakta , mapham asidagi nakhoi tanna lanthokningbasingna lanthokpa ngamdanaba amasung mapham adudagi eikhoi tanna nakhoi kananasu lallaktanaba nakhoi amasung eikhoigi marakta achouba ahangba ama lei.” (Luke 16:26). Iswargi machasing,nahakki nachin nanao gi marakta achouba oirabasu apikpa oirabasu madugi lapthoknaba adu nahakna mutthatlu

Dhyan tougadaba: “mi amagi lambina Jehovahbu penhanbada, mahakna mahakki yeknabasing phaoba mahakka ingthana thambi.” (Proverbs 16:7)