Apr 17 – KI APUNI KHEMAI KORE?

2 Corinthians2:10 “itya kunke apuni khemai kore iku bi, Ami bi khemai koribo. Kilekoile hosabi Ami khemai korishe iku bi, Ami khemai korishe ki sobjon apuni nimite maujudgi te Krista laga”.

Itu tisra sabak khemai te, ki ami khan shikhe jibon pora Joseph laga ase thakibole usor laga rishta manu logote junke apuni khemai korishe. Jitya apuni hosa bi khemai korishe ekta manu ke, titya apuni kuchis koribo lage thakibole ekta usor laga rishta, age homoi te thaka pora bi. Aru modot koribo lage tai khan ke pabole nimite khemai Isor laga.

Joseph matishe tai laga bhai khan ke morom pora ahibole tai usor te (Genesis 45:4). Hoilebi tai khan jhijhak kori thakishe ahibole usor joseph laga, kilekoile tai khan nijor laga anyay pora taike kora laga, joseph icha korishe tai khan ke usorte ahibole nimite

Tai pothaishe sandesh tai laga baba ke itu koi kene, “apuni thakibo mati te Goshen laga, aru apuni thakibo usor amilaga, apuni aru apuni laga bacha khan laga bacha khan, apuni laga jontu janwar khan,a ru sob juntu apuni logote ase” (Genesis 45:10).

Ami khan hunishe kunuba manu khan ke koi thaka: ‘ami map korishe ami laga bhai ke. Hoiolebi ami thakibo olop dur tai pora; aru itu bhal nahoi tai laga usorte thakibole’. Itu tu hosa laga khemai nahoi. Ami khan laga Isor Jisu Krista, ahishe nichete prithibi te swarg pora, khali thakibole usor laga rishta ami khan logote.

Jisu kitya bi rakhanai paapi khan ke dur; hoilebi milishe tai khan logote sob orom te. Taikhaishe paapi khan logote aru kaar sangarak logote. Tai milishe tai khan logote, jinika anyay thaka nahoiolebi golti thaka juntu tai khan korishe Tai laga khilaf  te bi.

Bishi porivaar khan te tai khan anubhav kore ekta dangor bhag homoi te dhon somppoti bhag kora homoi te. Tita kotha koa huna hoi, itu pora alag kori diye porivaar khan ke. Judi apuni dhuri kene thake ekta chutu golti apuni laga mon te; itu hi dangor paap hoio jabo jitya apuni swarg te jabo. Dhon manu pora hi rakhi dishe lazarus ke du rte; aru itu hi hosa hoishe samasya upor jaa homoi te.

Ji apuni laga adot khan hoilebi juntu apuni dikhai apuni laga homoi te thaka itu prithibi te, utu ekla hi dikhabo apuni laga hodai din laga jibon swarg nimite. Abraham koishe utu dhon manu ke, “majete ami laga aru apuni laga ekta dangor deewar ase bonai kene, ki jun khan yate pora paar hobole mon jai apunii logote napare, nahoilebi tai khan tate pora ami khan logote” (Luke 16:26).isor laga bacha khan, judi bi itu chutu bhag nahoilebi deewar ase apuni aru apuni laga bhai khan majete, hatai dibi itu ke pura aru mili jabi.

Aji dhyan koribole laga pobitro kotha tu hoile proverbs 16:7 “jitya ekta manu laga rasta khushi kore isor ke, Tai bonai  tai laga dushman khan ke bi shanty te tai khan logote”.