Apr 17 – KAAM UNNATI KORE!

(Ezra 5:8)“hibole dibi itu ke janibole Raja ke ki itu kaam Jai bhal pora aru unnati kore tai khan laga hath te”.

Raja, Raja khan laga icha kore ki sob ami khan laga kuchis khan hobo lage bhal; aru ki sob ami khan laga kaam khan koribo Lage unnati. Hoi, Isor Isor khan laga, rajyo kore sob uporte, Tai pora bonabo sob kaam khan ke unnati hobole Tai laga homoi te. Jitya ami khan kore unnati kaam khan te ami khan hath laga, aru jitya ami khan laga akha khan pura hoi, ami khan bhorta hoi anondo pora.

Ki ase rahasya unnati kora laga? Raja David, tai laga poila Psalm te like, “hoilebi tai laga Khushi ase niom te Isor laga, aru Tai laga niom te tai dhyan kore din aru rati. Tai hobo ekta gash nishina ji ke lagaishe nadi Pani kinar laga, ji pora Ane tai laga phal ke itu laga Mausam te, Jun laga pata bi namore; aru hoilebi tai unnati kore”.   (Psalm 1:2-3).

Judi apuni kore morom aru diye dorkari Isor ke aru Tai laga hobdo ke, Isor pora bonabo sob saman khan ke unnati koribole. Apuni ki korile bi hobo unnati.

Tate ase kunuba Jun dukh kore aru tate Khushi homoi nai tai khan laga ghor te; tate iku unnati nai tai khan bacha laga shadi te iman kuchis korile bi; tai khan napare uthabole ekta ghor ke iman dukh kori kaam korile bi; tate nai iku unnati iman yojna korile bi shuru koribole vyapaar ke..

Pobitro kotha te koi,  “jitya tok Isor pora nabonai ghor  ke, tai khan kaam kore ini pora Jun bonai; jitya tok Isor pora rakhwala nakore nagar ke, chaoukidaar rukhi thake ini pora” (Psalm 127:1).  Sobse upor, apuni bisaribo lage Isor ke. Tai ase Ekjon Jun uthai apuninlaga ghor ke; aru tai ekla hi raksha koribo apuni laga porivaar ke. Judi apuni nirbhar kore nijor te, iku dorkari nadi kene ISor ke; tini hoile sob apuni laga kaam khan haribo.

Sabi Nehemiah ke bhal pora sapha pora koa ke, itu kotha. Tai koi,  “isor swarg laga Nijor hi unnati koribo ami khan ke” (Nehemiah 2:20).  Khali Isor adesh kore kaam khan ke apuninhahblaga unnati koribole.

Jitya tai khan komibthakishe dagras pora Cana laga shadi te, ama Jisu laga koishe Tai ke. Tai poila koishe Isor Jisu ke; dulha ke bi nakoa agete; ghor laga naukar ke nakoa agete; na mahmaan aru khandaan ke bi nakoa agete shadi te.

Aru sob unnati korishe achurit pora Isor laga homoi te. Pani bodlishe dagras te; aru mahmaan khan paishe bhal dagras ke, tulna korile poila Diya agete.

Bacha khan Isor laga, hobole dibi Isor ke pila Jon janibole sob ji apuni chinta kore; aru Tainpora unnati koribo itu ke apuninlaga hath te. Tai pora pura koribo apuni ke Tai laga homoi te.

Aji dhyan koribole laga Pobitro kotha tu hoile:  (Philippians 4:6) “nahobi utsuk iku karone bi, hoilebi sob te prathana pora aru anurodh pora, dhanyavad di kene, hobole dibi apuni laga anurodh ke janibole Isor ke.”