Apr 17 – Anablu-Mar-hen Yar-mengle!

“E kanitisanganji, l’ang rznaba! E tarda ayaman a sananganji rznaba yante gamle gugu Rajan iytai gane” (Sanenken 24:7).

Tanimyimdan Antantulla Appam abirinda buhang tonananji boi boi limtaben, kan hanar-mengan a dinna-lingan’. Yan a man’oihan kan ate, Kitungan ablulai, butente karahidan saring yarmengle. Anablun atiykujan do karahidan obsadle, man’oih-len saring, itente anlen man’oihan batte artimyimtaben dile mandranji.

Karahidan saring abyarmenglen, Kristun bo danerderan tiyaiten. Jisun gamle: “Jisun anin a d’ong gameten.- Yanarmengan do mandrengnan Hen na. Bute’nte mang—ling-Hen derten, anin kahidlen janang den m’engte. Bar butente m’engan m’engle mang-ling-Hen derten, anin anga ja enga dele janang akkahide. Kanate aman dirtin po?” (Jon 11:25-26).

Nami janang, hanarmeng Kitungan a U’an ajandrum-s’iban agobgob daku do anlen abmele gadlamle daku. Anin abm’oihle dakuten anlen abmele. Anin sanabyun tiylangten. Bibolan gamte: “Panadrad banaihtiy mar buten? A kahidleri a mandra Kristu JiSun na, osantan .Anin yanarmeng anabdznan dele, do Kitungan a jandrumsengban dakutm; bar anion apsele dandrab garberte..” (Romi 8:34).

Atanakudan sikoija hanarmeng Kitungan tagorlangten. Anin tamiyiman batte s’iben hamte, bar opungte: “Hen Anin a d’ong a gijlaian adnang Anin a j’engban kahid ambrij gunglai. Bar Am’n a jandrumsin batte d’ong hen jable gameten, Bantong dong, Hen abmangan do tanakudan, Hen Am’eng Maran na, do Hen kahidlih, bar gija Hen ayaman a tarda ayaman sikkoi ja am’engdam na, bar mangba-Hen kinnoraian do karahidan a ranzsanganji daku” (Anapungge 1:17-18).

Karahidan saring ahanarmengan, Kitungan kuddub banangtonganji saring dongrable. Kan ambrij abanangtonganji d’ongben tolbadle addakuben. Kan abmele bibolan iten gamte. “Anten asan engale passijanji sarigoi jelun do miham lingan arturduleji, ‘ ettegoi Anin janang san’goi jelun do miham lingan arturdueten, yante gamle karahidan batte Anin karahidan a danen a hamlen a mandran, manan, duaih suman a d’ong rapti abs’zdte. Bar yante gamle bute bute karahidan a banantongan asan k’id m’eng sikkoi ja tanolbad Iingan deleji, aninji a d’ong Anin rapti aburte” (Ebri 2:14-15).

Tanahimdam Kitungan a onagji, Jisun Kristun harmengle do menglen. Anin ayarmenglen asan, amben abangtongdong, amben lanumud-lingan ahalenan janang, orde karahidan janang orde rulingan janang. Anin anlen ampara dakuten do Anin atagoran do amandranji asuyemtabenji.

Okiy Kinolbe absele: “Bindo hen galamtai do, Tanandz Mar-hen am’eng daku, do takkud ayam lingan Anin ordaran a lanangka lingan tanangte” (Ayob 19:25).