Apr 17 – Amike ke bachai diya jinda ase!

Psalm24:7 uthabi apuni laga matha, oh gate! Aru uthi kene thakibi oh hodai din laga dorja! Aru raja Gaurav laga hi bbhitor te ahibo.

Ami laga morom thaka laga Antantulla Appam laga porivaar apuni khan sob ke morom laga salam jonai ase itu, jisu utha laga din te. Kiman bi anondo ase, ki isor pora ami khan ke mukti dishe, jun hi moribole thaka. Mora pora amikhan ke bachai dishe aru itu laga kimat ke chukaishe, ami khan laga anondo itu din pora hi paa ase, jitu ami khan sob logote mili kene khushi manai.

Mora pora uthi kene, krista pora ami khan sob ke dangor akha dishe. Jisu koishe: “ami hi utha laga ase aru jibon ase. Tai jun amij ke Biswas kure, tai morilebi, tai jinda thakibo. Aru jun jinda thaki kene ami ke Biswas kure tai kity abi namuribo. Apuni itu Biswas kure?” john11:25-26.

Aji laga din te, isor uthishe aru bohishe dahina hath phine baba Jehovah logote aru ami khan karone kotha koishe. Tai ami khan karone kotha kurishe kuntu ami khan kobole bi napare. Tai naruri kene ahi apuni khan karone bi khemai hi dishe. Pobitro kotha te koi: itu krista ase jun morishe, aru utha bi uthishe, jun hi Jehovah laga dahina hath te ase, aru jun hi ami khan karone kotha kuri ase. Romans 8:34.

Isor jun hi uthishe tagot ase ami khan ke dikhabole aru loi jabole pura ses tok. Tai morom pora hi apuni laga hath dhure, aru koi apuni ke: “bhoi nakuribi; ami hi poila asea ru ami hi ses ase. Ami tai ase jun jinda thake, aru murishe, aru thakibi, ami jinda ase hodai din karone. Amen. Aru ami chabi ase jibon aru mora laga. Revelations 1:17-18.

Mora pora uthi kene, isor pora apuni kebachaishe sob bhoi pora. Utu bhoi khan kitya bi apuni kecholabole naparibo aru ekbar aru apuni kebandhi bonai kene rakhibo naparibo. Sabi ki pobitro kotha pora itu uporte koi: “tai nijor hi inika bhag loishe, tai mora pora tai khotom kuribo paribo taike jun hi mora laga Shakti ase, jitu satan ase, aru tai khan ke bachai diye jun khan pura jibon te mora laga bhoi pora thake aru bandhi bonai kene thake. Hebrews 2:14-15.

Isor laga bacha khan, jisu krista hi utha aru jibon ase. Kile koile tai jinda ase, apuni bhoi nakuribo lage, judi bi apuni andhera rasta te berai mora aru dukh khan pora. Tai apuni logote ase aru tai laga rod aru saman khan apuni ke ahram dibo.

Aji bhabna kuribole laga pobitro kotha tu hoile job 19:25 kile koile ami jane ki amike bachai jinda ase, aru tai khara kuribo ses te prithibi te.