Apr 16 – SWORGO NISHINA ADOT KHEMAI LAGA!

Ephesians 4:32 “aru norom thakibi ekjon dusra jon logote, norom mon, khemai kora ekjon dusra jon ke, jinika Isor Krista khemai korishe apuni ke”.

Kali pora,a mi khan bhabna kori ase sabak khan ke khemai laga jibon pora Joseph laga. Dusra sabak itu ase: jitya apuni pura mon pora khemai kore ekta manu ke, sworgo adot khemai laga bhorta kore apuni laga monk e. utu ase dangor ashirbaad ki apuni paar koribo pare utu khemai pora.

Joseph laga bhai khan nirash hoishe jitya tai khan maujudgi te ahisge (Genesis 45:3). Tai khan mon bhangi kene dukh te thakishe.

Tai khan bhoi korishe ki Joseph , jun hi dangor manu thakishe raj kori thaka Egypt  te, bodla lobo tai khan laga anyay nimite. Tai khan bhoi korishe ki Joseph  pora cholabo Egypt laga sipahi khan ke tai khan ke khotom koribole nimite.

Jitya apuni uthi jai ekta uncha podh te, jun khan biya korishe apuni laga khilaf te, bhoi koribo apuni ke. Hoilebi niptabi tai khan ke norom pora aru sikhabi, ki tai khan bi bhorta hobo sworgo adot pora Krista laga. Nakal koribi Calvary laga morom ke tai khan agete; aru nischit koribi ki tai khan bhoi nakore aru dukh napai. Itu pora modot koribo apuni ke pabole dangor ashirbaad Isor pora.

Pobitro kotha te koi, “tate iku bhoi nahi morom te; hoilebi thik morom ulai diye bhoi ke, kilekoile bhoi logote thake atyachar” (1 John 4:18). Psalms likha David koi, “ami bisare Isor ke, aru Tai hune ami ke, aru bachai ami ke sob ami laga bhoi khan pora” (psalm 34:4). “kilekoile Isr pora diyanai ami khan ke atma bhoi laga, hoilebi shakti aru morom laga aru bhal mon laga” (2 Timothy 1:17).

Judi apuni hare khemai koribole aru morom koribole apuni laga dushman khan ke, tinihoile satan pora bhorta kori dibo apuni laga monke nakaratmak ke. Hoilebi judi apuni khemai kore aru loi jai bhoi ke tai khan laga, jun khan biya korishe apuni ke, apuni bi tagot hobo apuni laga mon te aru thakibo himmot khara koribole satan laga agete aru tai laga chalaki khan laga.

Joseph koishe tai laga bhai khan ke: “mon dukh nahobi nahoilebi gussa nijor ke kilekoile apuni khan ami ke yate bikai dishe; ami apuni ke bachabo aru dibo”. Itu hi chinaki ase hosa khemai laga.

Isor laga bacha khan, judi kunuba kore galat apuni laga khilaf te, apuni khan pura mon pora prathana koribo lage ki iku biya tai uporte nagiribole. Jitya apuni prathana kore  inika hisab te, apuni janibo ki anugrah Isor laga pura gherav kori ase apuni ke. “jinika Krista khemai korishe apuni ke, inika hi apuni bi koribo lage” (Colossians 3:13).

Aji dhyan koribole laga pobitro kotha tu hoile Hebrwes 10:17-18 “taikhan laga paap khan aru niom nathaka kaam khan ami yaad nakoribo. Itya jote tate kati diya laga ase itu khan ke, tate aru nai iku daan paap laga”.